Almaty oblysy kóktemgi egis jumystaryna daıyn - ákimdik

ASTANA. KAZINFORM - Almaty oblysy kóktemgi jumystarǵa daıyn. Aǵymdaǵy jyly aýyl sharýashylyǵy daqyldary 461,6 myń gektar alqapqa egiletin boldy, dep habarlaıdy oblystyq ákimdiktiń baspasóz qyzmeti. 

Aldaǵy ýaqytta 177,6 myń gektarǵa ylǵal jabý, kúzdik daqyldar egiletin 33,8 myń gektar jerdi tyrmalaý, 162,5 myń gektar alqapta kóktemgi jer jyrtý jumystary júrgiziledi.

Kóktemgi dala jumystaryn júrgizýge jalpy kólemi 1517 tonna dızel otynyna 148 aýyl sharýashylyǵy taýar óndirýshisiniń ótinimi maquldandy. 

Kóktemgi dala jumystaryna qatysatyn tehnıkalardyń daıyndyǵy 94% quraıdy. 

Oblysta barlyǵy 13,4 myń dana aýyl sharýashylyǵy tehnıkasy bar, onyń ishinde 7,9 myń danasynyń tozyǵy jetken. 

Aýyl sharýashylyǵy tehnıkasynyń parkin jańartý maqsatynda, 2023 jyly 47,7 mlrd teńgege 444 birlik tehnıka, bıylǵy jyly 340 mln teńgege 35 dana jańa tehnıka satyp alyndy.

Kóktemgi dala jumystaryn, qarjylaı qoldaý maqsatynda dala jumystaryna arnalǵan «Agrarlyq nesıe korporatsııasy» arqyly «Keńdala» baǵdarlamasyna 865,2 mln teńgege 42 ótinim tústi, qazirgi ýaqytta jalpy somasy 399,7 mln teńgege 25 taýar óndirýshige nesıe berildi.