Almaty oblysy Qaskeleń qalasyndaǵy bazardan órt shyqty

QONAEV. KAZINFORM - Áleýmettik jelide Qaskeleń qalasynyń bazaryndaǵy órttiń beınejazbalary tarady.

Qazirgi ýaqytta Almaty oblysy Tótenshe jaǵdaılar departamentiniń órt sóndirýshi-qutqarýshylary Qaskeleń qalasyndaǵy qurylys dúkeniniń qoımasyndaǵy tilsiz jaýdyń taralýyn toqtatý boıynsha jumys istep jatyr. Oqıǵanyń basqa mán-jaıy anyqtalady.

Eske salaıyq, buǵan deıin Almatyda ornalasqan Qazaq-brıtan tehnıkalyq ýnıversıtetinde órt shyqqanyn jazǵanbyz.

120 sharshy metr alańdy sharpyǵan QBTÝ-daǵy órt qutqarýshylardyń kómegimen sóndirildi. 

Odan keıin Almatydaǵy joǵary oqý orny tótenshe jaǵdaıdan keıin qalaı jumys istep jatqanyn jazǵan edik.