Almaty oblysy ákiminiń orynbasary jol apatyna ushyrady

QONAEV. KAZINFORM — Almaty ákiminiń orynbasary Áset Masabaev jol-kólik oqıǵasyna ushyrady. 

Almaty oblysy polıtsııa departamenti Tóńkeris-Baıserke avtojolynda bolǵan jol apatyna baılanysty qylmystyq is tirkelip, tergeý júrgizilip jatqanyn habarlady.

— Óńirlik polıtsııa jol qozǵalysyna qatysýshylardy jol júrý erejelerin qatań saqtaýǵa, ásirese qaladan tys joldarda jáne táýliktiń qarańǵy ýaqytynda asa muqııat bolýǵa shaqyrady, — dep málimdedi polıtsııadan.

Almaty oblysynyń densaýlyq saqtaý basqarmasy Áset Masabaevtyń jol apatynda zardap shekkenin rastady. Vedomstvo málimetinshe, qazir naýqastyń jaǵdaıy turaqty, ol esin biledi.

— Medıtsınalyq kómek belgilengen hattamaǵa sáıkes kórsetilip jatyr, — dep habarlady basqarmadan.

Eske salaıyq, buǵan deıin Almaty oblysy ákiminiń jańa orynbasary taǵaıyndaldy.