Almaty-Núkis áýe baǵytynda jańa reıs ashyldy
ASTANA. KAZINFORM — Ózbekstanmen jańa baǵyt ashyldy jáne Qazaqstannan halyqaralyq reısterdiń jalpy sany 121 áýe baǵyty boıynsha aptasyna 567-ge jetti. Bul týraly QR Kólik mınıstrliginiń Azamattyq avıatsııa komıteti málimdedi.
Qazaqstan Respýblıkasy Kólik mınıstrligi reıster geografııasyn keńeıtý jáne qoldanystaǵy baǵyt boıynsha reıster sanyn arttyrý boıynsha turaqty jumys júrgizip keledi.
«Osylaısha, «Uzbekistan Airways» áýe kompanııasy aǵymdaǵy jyldyń 1 maýsymynan bastap jańa Almaty-Núkis áýe baǵyty boıynsha turaqty reısterdi oryndaı bastaıdy. Reıster aptasyna eki ret (sársenbi jáne senbi kúnderi) 174 oryndyq Eırbas-A320 ushaǵynda oryndalady», - delingen habarlamada.
Jańa áýe jolynyń ashylýy eki el arasyndaǵy saýda-ekonomıkalyq, iskerlik, týrızm salasyndaǵy yntymaqtastyqty odan ári damytýǵa yqpal etedi.
Osylaısha, Qazaqstan Respýblıkasynan 28 elge 121 baǵyt boıynsha halyqaralyq reısterdiń jalpy sany aptasyna 567-ge jetti.
