Almaty mańyndaǵy taýly aımaqta qurǵaq shóp órtendi
ALMATY. KAZINFORM — Almaty oblysy Qarasaı aýdany Raıymbek aýyldyq okrýginiń aýmaǵynda ornalasqan baý-baqsha sharýashylyǵyndaǵy taýly aýmaqta qurǵaq shóp órtendi.
Almaty oblysy TJD málimetinshe, oqıǵa ornyna jetken qutqarýshylar shamamen 7–8 gektar taýly jerde qurǵaq shóp órtenip jatqanyn anyqtaǵan.
— Ot janǵan aýmaqqa tikeleı jetetin joldardyń bolmaýy jáne kúrdeli jer bederi órt sóndirý jumysyn aıtarlyqtaı qıyndatady. Qaza bolǵandar men zardap shekkender joq. Eldi mekenderge qaýip tóngen joq. Órtti sóndirýge Almaty oblysy jáne Almaty qalasy Tótenshe jaǵdaılar departamentiniń, jergilikti atqarýshy organdar men orman sharýashylyǵy qyzmetiniń 120 qyzmetkeri men 25 tehnıkasy jumyldyryldy. Jaǵdaı baqylaýda, — dep habarlady TJD.
Saǵat 20:30–da órt oqshaýlandy.
Eske salaıyq, buǵan deıin Almatyda iri qoıma órtengenin jazǵanbyz.