Almaty da mektep túlekteriniń korteji taǵy da tártip buzdy
ALMATY. KAZINFORM - Almatyda jol erejesin buzǵan kortej júrgizýshileri birneshe bappen ákimshilik jazaǵa tartyldy.
12 kólikten turatyn kortej «Kóktóbe» yqsham aýdanynda júrdi. Túlekter kólik terezesinen denelerin shyǵaryp, ómirlerine qaýip tóndirdi.
«Atalǵan kortejdi mamandandyrylǵan batalon qyzmetkerleri toqtatty. Júrgizýshilerge qatysty jolaýshylardy tasymaldaý erejelerin buzý, qaýipsizdik beldigin taqpaý, kólikke jalǵan nómir taǵý, manevr jasaý erejelerin buzý, tótenshe jaǵdaı týǵyzý derekteri boıynsha 84 ákimshilik hattama toltyryldy. 12 kólik mamandandyrylǵan aıyppul turaǵyna qoıyldy», - dedi Almaty qalalyq PD Jergilikti polıtsııa qyzmeti basqarmasynyń bastyǵy Serik Shýmaev.
Buǵan deıin Almaty oblysynda mektep bitirýshi túlekterdiń korteji jol erejesin buzǵany týraly jazǵan edik.
