Almaty – Chendý Tıanfý baǵytynda tikeleı reıs resmı túrde ashyldy

ALMATY. KAZINFORM – Air China áýekompanııasy Almaty men Chendý Tıanfý (Qytaı Halyq Respýblıkasy), Sychýan provıntsııasynyń ákimshilik ortalyǵy arasynda tikeleı áýe qatynasyn iske qosty.

Almaty ákimdiginiń habarlaýynsha, CA456 reısi aptasyna eki ret – seısenbi jáne senbi kúnderi Airbus A320 ushaǵymen oryndalady.

Reıs Almatydan saǵat 21:30-da ushyp shyǵyp, Chendýge kelesi kúni jergilikti ýaqyt boıynsha 04:30-da jetedi.

Chendý qalasynan Almatyǵa ushý shamamen 3,5 saǵatty alady, bul tranzıttik reıstermen salystyrǵanda keminde 7 saǵat ýaqyt únemdeýge múmkindik beredi. Qaıtar reıstiń uzaqtyǵy — shamamen 5 saǵat.

Búginde Almaty álemniń 60 qalasymen tikeleı áýe reısteri arqyly baılanysqan. 2025 jyly 13 jańa halyqaralyq baǵyt ashyldy.

Eske salaıyq, buǵan deıin Kólik mınıstri Nurlan Saýranbaev Úkimet otyrysynan keıin ótken baspasóz máslıhatynda AQSh-Qazaqstan tikeleı áýe reısi áýeli London arqyly uıymdastyrylatynyn málimdegen edi.