Almaty ákiminiń jańa orynbasary taǵaıyndaldy

ALMATY. KAZINFORM – Almaty qalasynyń ákiminiń orynbasary bolyp Ábdirahym Nurlan Erǵalıuly taǵaıyndaldy.

Almaty ákimdigiń saıtynda qala ákimi orynbasarlarynyń qataryna Nurlan Ábdirahymnyń esimi engizilgen. Ol áleýmettik sala, halyqty jumyspen qamtý, densaýlyq saqtaý salalaryna jaýap beretin bolady.

Nurlan Ábdirahym 1980 jyly týǵan. «Qaınar» ýnıversıtetin jáne Qazaqstan Respýblıkasy Prezıdenti janyndaǵy Memlekettik basqarý akademııasynyń Ulttyq memlekettik saıasat mektebin bitirgen. Zańger, «Saıasattaný» mamandyǵy boıynsha áleýmettik ǵylymdar magıstri.

Eńbek jolyn 2001 jyly «Astanaenergoservıs» AAQ-ynda abonenttik ýchaskeniń baqylaýshysy bolyp bastady. Qazaqstan Respýblıkasy Ádilet mınıstrliginde qyzmet atqaryp, jetekshi mamannan departament dırektory jáne Zııatkerlik menshik komıtetiniń tóraǵasyna deıingi laýazymdardy atqardy.

Ár jyldary Qazaqstan Respýblıkasy Prezıdenti Ákimshiliginde memlekettik ınspektor jáne bólim meńgerýshisiniń orynbasary bolyp jumys istedi. 2023 jyly sáýirden osy ýaqytqa deıin Almaty oblysy ákiminiń birinshi orynbasary qyzmetin atqardy.

Eske salaıyq, buǵan deıin Almashan Smatlaev Almaty ákiminiń orynbasary bolyp taǵaıyndaldy.

Onyń aldynda Almaty qalasy ákiminiń orynbasary laýazymyna Oljas Smaǵulov taǵaıyndaldy.