Almas Chýkın: Salyq reformasyn qazir jasamasaq, 5 jyldan keıin áleýmettik-qarjylyq toqyraý bolady

ASTANA. KAZINFORM – Belgili ekonomıst Almas Chýkın Májilistiń Salyq kodeksin talqylaýǵa arnalǵan jumys tobynyń otyrysynda salyq reformasyn keshiktirýge bolmaıtynyn málim etti.

Алмас Чукин: Салық реформасын қазір жасамасақ, 5 жылдан кейін әлеуметтік-қаржылық тоқырау болады
Фото: facebook.com/almas.chukin

- Jańa kodekste usynylǵandarǵa kelsek, men ony qoldaımyn. Teńestirý kerek degendi baıaǵydan aıtyp júrmin. Óıtkeni 5 jyldan keıin búkil boljamdar boıynsha kúıreýge jetemiz. Áleýmettik-qarjylyq shemada tolyqtaı toqyraý bolady. Sondyqtan qazirden bastap túzetý kerek. Tipti qazir kórip otyrǵan salyq túsimin eseptegenniń ózinde shyǵys pen kiristiń teńgerimin 10 trln teńgege deıin ajyratýǵa bolmaıdy, - dedi ol.

Onyń aıtýynsha, usynylyp otyrǵan jańa kodeksti áli jetildirmese, reforma bıýdjet tapshylyǵy máselesin sheshe almaýy da múmkin. 

- Salyqtan 3-4 trln teńge ǵana jınaýdy kózdep otyr. Memlekettik boryshtyń ósimi jalǵasatyn túri bar. Bıýdjet tapshylyǵy da saqtalady. ıAǵnı, 10 trln tapshylyqtyń 5-6 trln teńgesi jabylmaı qalaıyn dep tur. Sonda qaryzdardy jabý da josparda joq. Ázirge jalpy ishki ónimdi eki ese arttyrý qolymyzdan sonshalyq bir kelip jatqan joq. Al qaryzdardy úsh jyldyń ishinde eki ese arttyrý qolymyzdan kelgen. Ár úsh jyl saıyn memleket boryshynyń kólemi 2 ese ósip keledi, - dedi sarapshy.

Eske salsaq, 20 aqpanda Májiliske Salyq kodeksiniń túzetilgen jobasy engizilgen edi. Búgin sol qujatty pysyqtaıtyn Májilistiń jumys toby iske kiristi.

Kodekstiń jańa redaktsııasyndaǵy negizgi túzetýler mynalar: 
➤ Qosylǵan qun salyǵy boıynsha mindetti tirkeý shegin tómendetý – 20 000 AEK (78,6 mln teńge) 3 800 AEK (15 mln teńge) deıin;
➤ Qosylǵan qun salyǵynyń mólsherlemesin arttyrý – 12%-dan 16%-ǵa deıin, buǵan qosa birqatar salalar úshin tómendetilgen mólsherleme 10% belgilenedi;
➤ Jeńildetilgen deklaratsııa boıynsha arnaıy salyq rejımin qoldanýdy shekteý – tek B2C segmentine (bıznes túpkilikti tutynýshylar úshin) qoljetimdi bolady. 

Сейчас читают