Alkogol óndiretin 123 jasyryn tseh anyqtaldy
ASTANA. KAZINFOM — Qarjylyq monıtorıng agenttiginde men «Atameken» UKP aktsızdeletin ónimderdiń kóleńkeli aınalymyna qarsy kúresti kúsheıtedi, dep habarlaıdy atalǵan agenttiktiń baspasóz qyzmeti.
Aktsızdeletin ónimderdiń (alkogol ónimderi) kóleńkeli aınalymyna qarsy is-qımyl máseleleri Qarjylyq monıtorıng agenttiginde ótken dóńgelek ústel barysynda talqylandy. Sharaǵa Qarjy jáne Ulttyq ekonomıka mınıstrlikteri, memlekettik kirister komıteti ókilderiniń, sondaı-aq «Atameken» UKP tóralqa tóraǵasy Raıymbek Batalov pen QR kásipkerleriniń quqyqtaryn qorǵaý jónindegi ýákil Qanat Nurov, «Qazalkotabak» jáne «QazSpirits» qaýymdastyqtarynyń ókilderi qatysty.
Qarjylyq monıtorıng agenttigi sońǵy 4 jylda (2021-2024 jj.) alkogol óniminiń zańsyz aınalymyna baılanysty 282 qylmysty tirkedi.
Sýrrogat alkogol óndiretin 123 jasyryn tseh anyqtalyp, 3,3 mln-nan astam bótelke, 720 myń lıtr spırt jáne quramynda spırti bar suıyqtyq, 640 myń jalǵan EBM tárkilendi.
Nátıjesinde, qaýipti ónim tutynýshylarǵa qaýip tóndirip, bıýdjetke aktsızdik alymdardyń túspeı, adal kásipkerlerge zııan keltiriledi.
Alkogol óniminiń kóleńkeli aınalymyna qarsy turýǵa baǵyttalǵan QMA usynatyn sharalardyń biri — 2026 jylǵa josparlanǵan tańbalaý men qadaǵalaýdy engizýdi jedeldetý, sondaı-aq búkil óndiris protsesin tsıfrlandyrý bolyp tabylady.
Shaqyrylǵan qatysýshylar Agenttiktiń adal kásipkerlerdi qorǵaý boıynsha atqarylǵan jumysty, sondaı-aq taldamalyq quraldardy paıdalana otyryp júzege asyrylatyn aldyn alý qyzmetin atap ótip, aıtylǵan usynystardy odan ári iske asyrýdyń mańyzdylyǵyn atap ótti.
