Alqaptaǵy eginniń 40 paıyzy jınaldy – AShM

Elimizde egin orý naýqany byltyrǵydan qaraǵanda 32 paıyz baıaý júrip jatyr, dep habarlaıdy QazAqparat. 

Bul týraly Aýyl sharýashylyǵy mınıstri Aıdarbek Saparov Úkimet otyrysynda mlim etti.

«Bıyl dándi jáne dándi-burshaqty daqyldar jınalatyn alań 17,3 mln gektar alqapta jatyr. Búgingi tańda respýblıka boıynsha barlyǵy 6,9 mln gektar nemese 40% dándi jáne dándi-burshaqty daqyldar jınaldy. 6,6 mln tonna astyq bastyrylyp, ortasha ónimdilik gektarynan 9,5 tsentnerdi qurady», - dedi mınıstr.

Aıdarbek saparovtyń aıtýynsha,bylty osy ýaqytta osyǵan uqsas kezeńinde 11,6 mln gektar alqap nemese 72,8% jınalǵan.

«Bul rette egis naýqany ońtaıly agrarlyq merzimderde júrgizildi. Jazdyń aýa raıy jaǵdaılary eldiń kóp bóliginde qalypty jaǵdaıda boldy. Egin jınaý naýqanyna daıyndyq kezeńinde tehnıkanyń daıyndyǵy, jeńildetilgen janar-jaǵarmaı 100% qamtamasyz etildi», - dedi vedomstvo basshysy.