Álııa — batyr qyzy sen halqymnyń: Aqtóbede dron shoý boldy
AQTÓBE. KAZINFORM — Aqtóbede 550 dronnyń kómegimen aspanǵa «Álııa — arý qyzy sen halqymnyń», «Álııa — batyr qyzy sen halqymnyń» dep jazyldy.
Keńes Odaǵynyń batyry Álııa Moldaǵulovanyń 100 jyldyǵyna oraı Aqtóbe qalasynda gala kontsert ótti.
Onda Qazaqstannyń halyq ártisi Roza Rymbaeva S. Báıterekovtiń «Álııa» ánin shyrqap, keıin dron shoý ótti.
— Júzdegen dronnyń úılesimdi qozǵalysy arqyly jasalǵan áserli stsenografııalar barysynda kórermender Álııa Moldaǵulova men Dımash Qudaıbergenniń beınelerin, Aqtóbe qalasynyń tanymal rámizderin, sondaı-aq kóptegen áserli kórinisti tamashalaı aldy. Mýzykalyq súıemeldeý boldy, — dep habarlady Aqtóbe oblysynyń baspasóz qyzmeti.
Eske salsaq, Aqtóbede eki kún boıy Álııa Moldaǵulovanyń 100 jyldyq mereıtoıy ótti.
«Ǵasyrlarǵa jalǵasqan erlik» forýmyna Reseıden jáne Qazaqstannyń ártúrli óńirlerinen delegatsııalar keldi.
Qazaqtyń mergen qyzynyń mereıtoıyna 80 kıiz úı quryldy, osylaısha etnoaýyl boı kóterdi. Ǵasyrlyq toıǵa jınalǵan qonaqtar qazaqtyń ulttyq oıyndaryn tamashalap, altybaqanda oınap, qazaqtyń ulttyq taǵamdarynan dám tatty.