Alına Solodýhına Tokıo Paralımpıadasynda besinshi oryn aldy

TOKIO. QazAqparat - Japonııanyń Tokıo qalasynda ótip jatqan Paralımpıada oıyndarynda qazaqstandyq Alına Solodýhına para paýerlıftıngten saıysqa tústi, dep habarlaıdy QazAqparat tilshisi.

Ol áıelder arasynda 45 keli salmaqta el namysyn qorǵady. Saıys barysynda Alına úsh márte jarys jolyna shyqty. Nátıjesinde onyń kórsetkishi 83 kelini shamalady. Osylaısha toǵyz sportshynyń arasynan besinshi orynǵa taban tiredi.

Atalǵan salmaqta nıgerııalyq Latıfat Tıdjanı 107 keli salmaqty baǵyndyryp, altyn medal aldy. Ekinshi oryndy qytaılyq Tsýıge Chje (102 keli) buıyrsa, qola júldeni polshalyq ıÝstına Kozdrık (101 keli) enshiledi.

Buǵan deıin qazaqstandyq Davıd Degtıarev erler arasynda 54 keli salmaqta chempıon atandy.

Aıta keteıik, Tokıo Paralımpıadasy 5 qyrkúıekke deıin sozylady. Atalǵan jarysta elimizdiń atynan barǵan 26 sportshy sporttyń 7 túrinen synǵa túsedi.

Sondaı-aq, 2016 jyly Brazılııanyń Rıo-de-Janeıro qalasynda Zýlfııa Gabıdýllına erkin ádispen 100 metrge sýǵa júzýden chempıon atansa, sol joly Raýshan Qoıshybaeva paýerlıftıngten áıelder arasynda 67 kelide kúmis júlde aldy.