Alibaba Cloud ChatGPT-ge básekeles joba shyǵardy

ASTANA.KAZINFORM - Qwen vırtýaldy kómekshisi Alibaba Cloud-tyń menshikti tildik modeli negizinde jasalǵan, dep habarlaıdy TASS.

Qytaılyq tehnologııalyq kompanııa Alibaba Cloud tegin Qwen vırtýaldy kómekshisin shyǵardy. Ázirleýshi ​​​​jaqyn arada ChatGPT-men básekelesý úshin chatbotynyń halyqaralyq nusqasyn shyǵaratynyn habarlady.

Qoldanba Alibaba Cloud kompanııasynyń menshikti ashyq bastapqy kodty til modeline negizdelgen. Chatbot paıdalanýshylarmen orys tilinde sóılese alady. Ol jeke jasandy ıntellekt kómekshisi retindegi tapsyrmalardy oryndaýǵa arnalǵan.

Qytaıda jasandy ıntellekt salasynda qarqyndy ósim baıqalady. Sala kóshbasshylarynyń qatarynda Alibaba, Baidu, DeepSeek, Moonshot AI, Tencent jáne Zhipu AI bar.

Aqpan aıynda Alibaba Cloud kompanııasynyń bas kompanııasy Alibaba bulttyq platformalar men jasandy ıntellekt ınfraqurylymyn qurýǵa úsh jyl ishinde 380 mıllıard ıýan (shamamen 52 mıllıard dollar) ınvestıtsııalaıtynyn málimdedi.

Buǵan deıin Alibaba DeepSeek-pen teń dárejede básekelese alatyn jańa jasandy ıntellekt modelin shyǵarǵan bolatyn.