Alı Ahmedov álemdik reıtıngide 37 satyǵa kóterildi

ASTANA. QazAqparat – Qazaqstandyq boksshy Álı Ahmedov (18-1, 14 KO) Amerıka ókili Gabrıel Rosadony (26-16-1, 15 KO) jeńgennen keıin Boxrec.com reıtınginde joǵarylady, dep habarlaıdy QazAqparat Sports.kz portalyna silteme jasap.

Á.Ahmedov G.Rosadony tóreshilerdiń biraýyzdy sheshimimen jeńip, BoxRec reıtınginiń sýperorta salmaq sanatynda 50-inshi orynnan 13-ke biraq kóterildi. Qazaqstandyq boksshy bul jeńisinen keıin WBC Silver jáne IBF North American nusqalary boıynsha vakantty chempıondyq tıtýldarǵa ıe boldy.

Álı Ahmedov 2020 jyldyń jeltoqsanynda ekvadorlyq Karlos Gongoradan (21-1, 16 KO) nokaýtpen jeńilgennen keıin úsh jekpe-jek ótkizdi. Ol perýlik Davıd Segarrýdi (35-8, 22 KO) jáne meksıkalyq Paýl Valensýelany (27-11, 17 KO) merziminen buryn jeńdi. Gabrıel Rosadomen bolǵan úshinshi aıqasy búgin, 18 qyrkúıek kúni Las-Vegas qalasynda (AQSh) ótti. Olar Gennadıı Golovkın men Saýl «Kanelo» Alvares arasyndaǵy jekpe-jek keshiniń anderkartynda kezdesti. Tóreshiler jeńisti qazaqstandyq boksshyǵa berdi.

Aıta keteıik, Golovkın-Alvares trılogııasy meksıkalyqtyń paıdasyna aıaqtaldy.