Alǵashqy qytaılyq ǵarysh kemesi «Tıangýn-2» modýlimen túıisti

ASTANA. QazAqparat - «Tıanchjoý-1» alǵashqy qytaılyq ǵarysh júk kemesi avtomattyq rejimde «Tıangýn-2» ǵarysh modýlimen túıisti. Toǵysqan sátti Ortalyq Qytaı telearnasy tikeleı efırden kórsetti, dep habarlaıdy Sınhýa agenttigi.

«Tıanchjoý-1» kemesiniń ǵarysh modýlimen túıisýi sátti boldy. Bul týraly Ortalyq Qytaı telearnasynda tikeleı efır barysynda Venchan ǵaryshqa ushyrý ortalyǵynyń ókili málim etti.

«Túıisi protsessi sátti ótti», - dedi ol.

Buryn «Tıanchjoý-1» bas qurylymdaýshysy Baı Mınshen málimdegendeı, keme túıiskennen keıin, ınjenerler eki kemeni basqarýdyń múmkinshiligin synaqtan ótkizedi. Túıisý barysynda «Tıangýn-2» modýline otyn quıý josparlanýda. Qurylymdaýshynyń sózine qaraǵanda, modýlge otyn quıý úshin jeti táýlik ýaqyt ketedi.

Qytaı óziniń orbıtalyq stantsııasyn qurý baǵdarlamasyn júzege asyrýda. Jospar boıynsha ol 2020 jyly paıdalanýǵa beriledi.