Áleýmettik azyq-túlik baǵasynyń ortasha ındeksi 0,1% tómendedi
ASTANA. KAZINFORM - Ótken aptada áleýmettik azyq-túlik baǵasynyń ortasha ındeksi 0,1% - ǵa tómendep, jyldyq ósý qarqyny nólge tústi. Ótken aptadaǵy baǵa týraly 10 tamyz, senbi kúni Vıtse-premer Serik Jumanǵarınniń tóraǵalyǵymen ótken áleýmettik mańyzdy azyq-túlik (ÁMAT) baǵasyn turaqtandyrý jónindegi keńeste aıtyldy, dep habarlaıdy Saýda komıtetiniń baspasóz qyzmeti.
Bul basqa taýarlar men qyzmetter sııaqty azyq–túlik óndirisiniń qymbattaýyna naryqtyń jalpy faktorlary áser etedi. Oǵan teńge baǵamynyń álsireýi, kommýnaldyq jáne temirjol tarıfteri men jalaqynyń ósýi sebep. ÁMAT baǵasynyń ósýin nóldik dálizde ustap turýǵa maýsymaralyq kezeń men azyq-túliktiń árbir 19 túrine baǵanyń eń tómengi ósýiniń sebepterin óńirlermen egjeı-tegjeı talqylap, jedel jáne júıeli sharalar qabyldaıtyn apta saıynǵy úkimettegi keńester múmkindik beredi.
Saýda jáne ıntegratsııa birinshi vıtse-mınıstri Aıjan Bıjanovanyń málimetinshe, bir apta ishinde kókónisterdiń maýsymdyq baǵasy arzandaýda - sábiz (-1,1%) jáne kartop (-0,6%) baǵasynyń maýsymdyq tómendeýi bastaldy, jumyrtqa (-0,5%), kúrish (-0,2%), qant (-0,3%), aıran (-0,4%), qaraqumyq jarmasy (-0,2%), birinshi sortty nan jáne un (- 0,1%), sıyr eti (-0,1%) arzandady. Uzaq ýaqyt boıy baǵa tómendeýi baıqalǵan kúnbaǵys maıynyń quny 0,5%-ǵa, tuz (0,2%), maı (0,3%) qymbattaǵan.
Aldaǵy ýaqytta Qazaqstanǵa bıdaı ımportyna tolyq tyıym salýdy nazarǵa ala otyryp, áleýmettik nan baǵasyn turaqtandyrý úshin vıtse-premer Azyq-túlik korporatsııasyna un tartýshylar úshin qazaqstandyq jáne reseılik bıdaı arasyndaǵy baǵa teńgerimin teńestirý jóninde sharalar qabyldaýdy tapsyrdy. Sondaı-aq, fermerlerdiń Qytaı tarapynan bıdaı ımportyn toqtata turý týraly shaǵymdaryna baılanysty Serik Jumanǵarın aýyl sharýashylyǵy mınıstrligine salalyq vedomstvo basshylyǵynyń osy másele boıynsha kelissózder júrgizý úshin QHR-ǵa resmı saparyn daıyndaýdy tapsyrdy.
Barlyq óńirler maýsymaralyq kezeńde kókónisterdiń kúzgi eginine jetkilikti kólemde kelisimshart jasady - bul týraly keńeste aýyl sharýashylyǵy vıtse-mınıstri Ermek Kenjehanuly habarlady. Barlyq óńirler boıynsha kókónisterdi kelisimsharttaýdyń jalpy kólemi kúzgi maýsymaralyq kezeńge qajettilik kóleminiń 108% -186% -yn quraıdy. Endi kókónister men basqa da áleýmettik azyq –túlik ónimderin qys pen kóktemgi maýsymaralyq kezeńge arnalǵan turaqtandyrý qorlaryna satyp alý úshin óńirlerde jármeńkeler bastalady. Birinshisi 16-17 tamyzda Qyzylordada, odan keıin Túrkistan, Jambyl jáne Pavlodar oblystarynda ótedi.
