Áleýmettik jaýapkershilik: Qaraǵandy oblysynda ónerkásip ókilderi pedagogterge qoldaý kórsetti
«Qazaqmys» korporatsııasynyń damý jónindegi dırektory Baqtııar Qyryqpyshev pedagogtardyń tamyz aıyndaǵy onlaın-konferentsııasyna qatysty. Ol bilim berý salasyna áleýmettik qoldaý kórstiletini týraly aıtty.
Ótken oqý jylynda kompanııanyń bastamasymen Jezqazǵan óńiri jáne Balqash mektepteriniń 1 332 muǵalimi «NZM» AQ Pedagogıkalyq sheberlik ortalyǵynda biliktiligin arttyrdy. Taǵy 4 myńǵa jýyq pedagog semınarlarda, vebınarlarda jáne mektepte oqydy. Sonymen qatar Nur-Sultanǵa bilim týry uıymdastyryldy.
«Biz «Ustaz – Ulytaý» pedagogıkalyq transformatsııa ortalyǵy» jobasyn bastaımyz. Ony júzege asyrýǵa halyqaralyq sarapshylar tartyldy. Jobanyń maqsaty – «Qazaqmys» qatysatyn óńirlerdegi mektepterde oqýshynyń múddesi men onyń kásibı keleshegi úshin oqytý sapasyn arttyrý bolyp tabylady. Sondaı-aq, Sátbaevta balalarǵa qosymsha bilim berý jáne erte kásibı baǵdar berý úshin oqytý jáne jumysqa ornalastyrý ortalyǵyn ashýdy josparlap otyrmyz», – dep Bahtııar Qyryqpyshev jańa bastamalaryn usyndy.