Álemdik federatsııa Alan Qurmanǵalıevtiń jetistigin atap ótti

Halyqaralyq ústel tennısi federatsııasy (ITTF) 2023 jyldy qorytyndylady, dep habarlaıdy Kazinform Olympic.kz-ke silteme jasap. 

Álemdik uıym kóptegen jarqyn jeńistiń, aıtýly oqıǵanyń ishinen qaraǵandylyq Alan Qurmanǵalıevtiń (jattyqtyrýshysy Elmıra Álıeva) jetistigin erekshe atap ótti.

Ol bıylǵy maýsymda jekelegen razrıadta eń kóp jeńiske jetken (356), kóp match ótkizgen (108) jáne joǵary upaı jınaǵan (5035) oıynshy atandy. 

Aıta ketelik, Alan bıyl tuńǵysh ret eresekter arasyndaǵy jazǵy Azııa oıyndaryna da qatysqan bolatyn.