Álemdik áýe kompanııalary Tel-Avıvke reısterdi toqtatady
Izraıldiń soltústigindegi jaǵdaıdyń shıelenisýine baılanysty Air France, Birikken Arab Ámirlikteriniń Etihad Airways jáne Grekııanyń Aegean Airlines áýe kompanııalary Tel-Avıvke jáne odan keletin reısterdi toqtatqanyn málimdedi, dep habarlaıdy BILD.
Buǵan deıin taǵy 16 áýe kompanııasy Izraılge reısterin toqtatqan bolatyn. Keıbir avıakompanııalar reısterdi dúısenbige deıin, al keıbiri kelesi eskertýge deıin toqtatatynyn jarııalady.
Budan buryn habarlanǵandaı, nemis áýe kompanııasy Lufthansa Tel-Avıv pen Tegeranǵa reısterdi toqtatýdy 2 qyrkúıekke deıin uzartady, al Beırýtqa reıster 30 qyrkúıekke deıin toqtatylady.
Esterińizge sala keteıik, sońǵy táýlikte qaqtyǵys kúsheıı túsken. Máselen, búgin Izraıldiń Lıvan aýmaǵyna shabýyl jasap jatqany málim boldy.
Keıin ızraıldik BAQ-tyń habarlaýynsha, Hezbolla Izraıldiń soltústigine 320 zymyran atqylaǵan.
