«Álemdi ózgertetin ıdeıalar» bilim berý jobasynyń alǵashqy qatysýshylary sertıfıkatqa ıe boldy
Sertıfıkattar men estelik syılyqtardy mektep oqýshylaryna Qazaqstan Respýblıkasynyń Prezıdenti Keńsesiniń Bastyǵy - «Qazaqstan Respýblıkasynyń Tuńǵysh Prezıdenti - Elbasynyń kitaphanasy» MM dırektory mindetin atqarýshy - Mahmut Qasymbekov tapsyrdy.
«Ózderińiz bilesizder, saılaýdyń aldynda Elbasymyz óziniń baǵdarlamasynda bes ınstıtýtsıonaldyq reforma týraly aıtqan bolatyn. Ol reformalar mamyr aıynan beri iske asyryla bastady. Premer-Mınıstr basqaratyn Ulttyq komıssııa qurylǵan bolatyn. Bizder osy kitaphananyń múmkindigin paıdalanyp Qazaqstan boıynsha semınar-trenıngter ótkizýdi josparladyq. Bul sharaǵa búkil Qazaqstannyń mektepterinen balalar keletin bolady. Ylǵı oqý ozattary men aldyńǵy qatarly belseńdi bolyp júrgen oqýshylardy jınaımyz biz osynda. Onymen qosa barlyq joǵary oqý oryndarynyń ekinshi úshinshi kýrsynyń stýdentterin shaqyryp otyrmyz. Bul oqý onynshy qazannan bastap barlyq Qazaqstannyń túkpir-túkpirinen keletin jastarynyń aldynda ótkiziletin bolady. Ondaǵy bizdiń maqsat - Elbasynyń quryp otyrǵan josparyn oqýshylar men stýdentterge túsindirý.
Egerde biz Memleket basshysy belgilep bergen 100 qadamdy iske asyratyn bolsaq, úlken ońdy ózgerister bolady. Onyń qyzyǵyn kóretin de ony iske asyratynda sizder bolasyzdar», - degen M.Qasymbekov jastarǵa úlken úmit artylatynyn aıtty.
Sondaı-aq, M.Qasymbekov ustazdar qaýymyn kele jatqan tól merekesimen quttyqtady. Olardyń kásibi adamzat úshin, sonyń ishinde óz elimiz úshin aıryqsha mańyzǵa ıe ekenin atap ótti.
Astana qalasy mektepteriniń 9-10-synyptarynyń 50 oqýshysy eki kún boıy QR Prezıdentiniń janyndaǵy Memlekettik basqarý Akademııasynyń qyzmeti, QR Prezıdenti janyndaǵy «Qoǵamdyq kelisim» RMM, L.N. Gýmılev at. EÝU ǵalymdary, ǵylym doktorlary, professorlary ótkizgen semınar-trenıngterge qatysyp, «Kásibı memlekettik apparat qurý», «Zańnyń ústemdigin qamtamasyz etý», «Indýstrııalandyrý jáne ekonomıkalyq ósim», «Birtutas bolashaq ulty», «Esep beretin memleketti qalyptastyrý» taqyryptarynda avtorlyq dárister kýrsyn tyńdady.
Oqýshylar zor qyzyǵýshylyq tanytyp, sabaqtar barysynda oqytýshylarǵa kóptegen suraq qoıdy. Qatysýshylarǵa tájirıbe sabaqtaryn ınteraktıvtik ústelderdi paıdalana otyryp, Elbasy kitaphanasynyń qyzmetkerleri júrgizdi. Balalar úshin Qazaqstan Respýblıkasynyń Ulttyq mýzeıi men Qazaqstan Respýblıkasynyń Tuńǵysh Prezıdenti mýzeıine ekskýrsııalar uıymdastyryldy.
«Álemdi ózgertetin ıdeıalar» bilim berý jobasy Memleket basshysy N. Nazarbaevtyń bes ınstıtýtsıonaldyq reformasyn júzege asyrýǵa arnalǵan «100 naqty qadam» Ult josparyn, jahandyq bastamalary men kontseptýaldyq ıdeıalaryn zertteýge baǵyttalǵan.
Eki kúndik semınar-trenıngter 2016 jyldyń 1 shildesine deıin júrgiziledi. Joǵary oqý oryndarynyń stýdentteri úshin seısenbi, sársenbi kúnderi, kolledj jáne mektep oqýshylary úshin beısenbi, juma kúnderi uıymdastyrylady.
Semınar-trenıngke qatysýshylar - Qazaqstan Respýblıkasynyń joǵary oqý oryndarynyń 2-4-kýrs stýdentteri, Astana jáne Almaty qalalary men barlyq oblystarynyń jalpy bilim berý mektepteri, kolledjderiniń oqý ozattary, belsendileri, daryndy balalary. Jalpy 3 000 astam adam qatysady dep kútilýde.
