Álemdegi eń kári mysyq qaıtys boldy

ASTANA. KAZINFORM – Ulybrıtanııada álemdegi eń kári mysyq Rozı 33 jasynda qaıtys boldy. Bul týraly «The Sun» basylymy habarlady.

Rozıdiń qojaıyny brıtandyq Lıla Brıssett qazir 73 jasta jáne olar Norfolk qalasynda turatyn.

Mysyqtyń týǵan kúni 1 maýsymda, 2024 jyly ol 33 jasqa toldy. Adamı ólshem boıynsha Rozı 152 jyl ómir súrdi. Degenmen, onyń eń uzaq ómir súrgen rekordy resmı túrde Gınnestiń rekordtar kitabyna enbegen. Qazirgi ýaqytta londondyq 27 jastaǵy Flossı – álemdegi eń kári mysyq.

Mysyqtyń eń uzaq ómir súrýi 2005 jyly AQSh-ta tirkeldi - Cream Puff mysyǵy 38 jasynda qaıtys boldy. Tehastaǵy bul eń kári mysyq 1967 jyly 3 tamyzda dúnıege kelgen jáne 2005 jyldyń 6 tamyzyna deıin ómir súrdi – 38 jyl jáne úsh kún.