Álemdegi eń bıik kópir salynyp jatyr

ASTANA. KAZINFORM – 4 qarashada salynyp jatqan álemdegi eń bıik kópir Gýıchjoýdaǵy Hýatszıan shatqaly kópiriniń qurylysynda mańyzdy jetistikterge qol jetkizildi, dep habarlaıdy «Halyq gazeti» basylymy. 

Qytaılyq BAQ-tyń keltirgen deregine súıensek, kabeldik kran salmaǵy shamamen 215 tonna bolatyn alǵashqy bolat fermany (konstrýktsııany - avt.) belgilengen jerge dál ornalastyryp, kópirdiń kelesi jyly ashylýy men paıdalanylýyna negiz qalap, jańa kezeńge ótti. 

Qurylysy 2022 jyly bastalǵan Hýatszıan shatqalynyń kópiri «jer sharynyń jyrtyǵy» dep atalatyn Hýatszıan atty úlken shatqalǵa salynyp jatqanymen áıgili. Bul – Gýıchjoý ólkesindegi Lıýchjı-Anlýn tasjolynyń basqarylatyn jobasy. 

«Uzyndyǵy 2 890 metrlik kópir – sý betinen tik bıiktigi 625 metr bolatyn aspaly kópir. Qurylys aıaqtalǵannan keıin ol álemdegi eń bıik kópirge aınalady», - dep jazady «Halyq gazeti».