Álemde densaýlyq saqtaý men áleýmettik sala qyzmetkerleriniń 70%-i áıelder
SOVID-19 pandemııasy kezinde áıel zertteýshileriniń róli orasan zor boldy. Іndetiniń ártúrli kezeńderinde, vırýs týraly bilimdi tereńdetýden bastap, vırýsqa qarsy vaktsınany testileý ádisteri men vırýsqa qarsy vaktsınany ázirleýge deıin áıel ǵalymdardyń qatysýmen birshama jumys atqaryldy.
Ǵylym men genderlik teńdik — damý maqsattaryna qol jetkizýdiń, onyń ishinde ornyqty damýdyń 2030 jylǵa deıingi kún tártibinde kórinis tapqan ajyramas elementteri. Sońǵy jyldary álemdik qaýymdastyq áıelder men qyzdardy ǵylymǵa tartý salasynda aıtarlyqtaı jetistikterge jetti.
Osyǵan qaramastan, olar osy salada áli de shekteýlerge tap bolyp otyr. Kóbinese bul belgili bir kásipterde mansap qurýǵa kedergi keltiretin genderlik stereotıpterge baılanysty.
«Áıelder búkil álemdegi densaýlyq saqtaý jáne áleýmettik saladaǵy jumys kúshiniń shamamen 70% quraıdy jáne pandemııamen kúresýde aldyńǵy qatarda. Osylaısha, qyzdardyń ártúrli mamandyqtarda, sonyń ishinde ǵylymda jumys isteı alýy úshin olardyń bilim alýyna neǵurlym kóp qarajat jumsalsa, biz qoǵam, qaýymdastyq jáne otbasy retinde soǵurlym kóp paıda kóremiz», - dedi ıÝNFPA-nyń Qazaqstandaǵy ókili jáne Qyrǵyzstan men Túrikmenstandaǵy eldik dırektory Djýlııa Valleze.
Genderlik teńdik - bul adamnyń negizgi quqyǵy ǵana emes, sondaı-aq beıbit, gúldengen jáne ornyqty álem úshin mańyzdy negiz.
Qyzdardyń deni saý bolyp, ómirde barlyq múmkindikterge ıe bolýy úshin ánshi, belsendi ári ıÝNFPA spıkeri KALIYA (Aqmarjan Kósherbaeva) jáne «The Steppe» saıty birge «Qyz Taǵdyry» atty jobany iske qosty. Joba qyzdarǵa, áıelderge jáne sheshim qabyldaýshylarǵa bilim alýǵa jáne barlyǵyna teń qoǵam qurýǵa kómektesetin kóptegen aqparattan turady.
«Ǵasyrlar boıy ǵalymdar álem týraly kóbirek bilýge, óz qııaldarynyń shekaralaryn ashýǵa jáne basqalardyń ómirin jaqsy jaqqa ózgertýge umtyldy. Kez kelgen qyzdyń dál osylaı isteýge múmkindigi bar jáne ár qyzǵa ony jasaýǵa múmkindik berilýi kerek», - dedi KALIYA.
