Álemde COVID-19 vırýsynan qaıtys bolǵandar sany 95% azaıdy

ASTANA. QazAqparat - Sársenbi kúni Dúnıejúzilik densaýlyq saqtaý uıymynyń bas dırektory doktor Tedros Gebreıesýs jyl basynan beri koronavırýstan qaıtys bolǵandar sany 95 paıyzǵa azaıǵanyn málimdedi, dep habarlaıdy QazAqparat BUU jańalyqtaryna silteme jasap.

Bul rette ol vırýstyń áli de úlken qaýip tóndiretinin eskertti.

«COVID-19 vırýsynan qaıtys bolǵandar sanynyń údemeli tómendeýi bizdi qatty jigerlendirdi. Biraq jańa XBB.1.16 nusqasynyń paıda bolýy, vırýstyń áli de ózgerip jatqanyn jáne aýrý men ólimniń jańa tolqyndaryn týdyrýǵa qabiletti ekenin tanytyp otyr», - dedi Tedros Adhanom Gebreıesýs.

Ol osy jyly DDU-nyń koronavırýsqa baılanysty halyqaralyq tótenshe jaǵdaı toqtady dep jarııalaıtynyna úmit bildirdi.

«Alaıda, bul vırýs eshqaıda ketpeıdi jáne barlyq elder onymen basqa juqpaly aýrýlarmen qatar kúresip úırenýi kerek», - dedi DDU bas dırektory.