Álemde bolyp jatqan terrorlyq áreketter
Sırııanyń Damask qalasynda 27 shilde kúni jarylǵysh zat baılanǵan mototsıkl jarylyp, 3 adam qaza boldy jáne 20-sy jaraqattandy. Lańkestik áreketke jaýapkershilikti «IGIL» (Qazaqstanda tyıym salynǵan – red.) toby óz moınyna aldy.
Malıde osy kúni «Jamaat Nýsrat Al-Islam Val-Mýslımın» tobynyń sodyrlary Moptı okrýgindegi QK garnızonyna shabýyl jasap, 10 áskerı qyzmetker kóz jumdy, taǵy 4-eýi jaraqattandy.
Pákistannyń soltústik-batysyndaǵy Haıber-Pahtýnhva provıntsııasynda 30 shilde kúni «Jamıat Ýlema-ı-Islam-Fazl» jumysshylarynyń Badjaýrdegi mıtıngi kezinde lańkes ózin-ózi jaryp, 46 adam óldi jáne 100 adam jaraqat aldy.
Aıta ketsek, Pákistannyń soltústik-batysynda bir jyl ishinde 666 terrorlyq áreket tirkelgen. 2022 jylǵy 18 maýsymynan beri atys qarýymen 382, granat jarýmen 107, qoldan jasalǵan jarylǵysh zattarmen 145 lańkestik áreket jasalǵan. Sondaı-aq, 15 ret reaktıvti granata atqysh qoldanylsa, 15 lańkes ózin-ózi jarǵan. 2 jaǵdaıda mashınaǵa mına qoıylǵan.
Grýzııanyń arnaýly qyzmeti «terrorlyq is-qımyl jáne «IGIL» (Qazaqstanda tyıym salynǵan – red.) tobymen baılanysy bar» degen kúdikpen eldiń 2 azamatyn ustady. Olardan atalǵan uıymnyń tańbalary salynǵan jalaýlar, elektrondy quraldar, qarý-jaraq, jarylǵysh zattar tárkilengen.
Bıyl Batys Afrıkada 1 800-den astam terrorlyq áreket tirkeldi. Joǵary laýazymdy sheneýnik Omar Týreıdiń aıtýynsha, gýmanıtarlyq qıyndyqtar týyndady, 4 600-deı adam baqılyq boldy.
Omar Týreı BUU Qaýipsizdik keńesine málim etkenindeı, Batys Afrıka elderiniń ekonomıkalyq qaýymdastyǵynda (EKOVAS, 15 el kiredi) jarty mıllıon adam bosqyn sanalady jáne 6,2 mln jýyq adam – ishki qonys aýdarýshylar. Aıtýynsha, 30 mln adam azyq-túlikke muqtaj, eger halyqaralyq turǵyda yqpal bolmasa, kelesi aıdyń sońynda olardyń sany 42 mln jetýi múmkin.
EKOVAS Komıssııasynyń prezıdenti Omar Týreı kelesi qaýipterdi ataıdy: terrorızm, qarýly kóterilister, uıymdasqan qylmys, bıliktiń zańsyz aýysýy, zańsyz teńiz qyzmeti, ekologııalyq daǵdarystar men jalǵan jańalyqtar.
Marokkoda 27 shilde kúni ótkizilgen arnaıy operatsııada lańkestermen baılanysy úshin 50 adam ustaldy. Ustalǵandar «IGIL» jáne «Al-Kaıda» (Qazaqstanda tyıym salynǵan – red.) uıymdary qataryna ótken.
Iraktyń soltústigindegi Sındjar qalasynda ótken Túrkııa ulttyq barlaý uıymynyń arnaıy operatsııasy kezinde Kúrdistan jumysshy partııasy jetekshileriniń biri joıyldy. Mesýt Djelal Osmannyń Sırııada jastardy tartyp, Túrkııa QK-ne qarsy kóptegen terrorlyq áreket uıymdastyrǵany aıtylady.
Túrkııanyń shyǵysynda Kúrdistan jumysshy partııasynyń lańkestik áreketterge qatysy bar sodyry Gıýven Ozdjan joıyldy. Bul týraly Túrkııa ІІM basshysy Alı Ierlıkaı málim etti. Ol Redýr Sıser laqap atymen tanylǵan jáne 10 tártip saqshysy kóz jumǵan Túrkııa aýmaǵyndaǵy 4 lańkestik áreketti uıymdastyrýshy jáne oryndaýshy boldy.
Pákistan polıtsııasy terrorızmge qarsy kúres basqarmasynyń qyzmetkerleri Pendjab provıntsııasynyń aýdandarynda birqatar operatsııa uıymdastyryp, 17 lańkesti tutqyndady. Tyıym salynǵan toptar, sonyń ishinde «Tehrık-ı-Talıban Pakıstan» men «IGIL» (Qazaqstanda tyıym salynǵan – red.) tobynyń músheleri beıbit turǵyndar men sheteldikter kóp jınalatyn jerde terror jasamaq bolǵany aıtylady.
Ózbekstannyń Andıjan oblysynyń turǵyny sottaldy, ol birneshe márte Sırııadaǵy sodyrlar qataryna qosylmaq bolǵan. Er adam 8 jyl 1 aıǵa bas bostandyǵynan aıyryldy. Ony túrkııalyq shekarashylar ustap, Ózbekstanǵa deportatsııalaǵan.
