Álemde áýe bıletiniń baǵasy kóterilýi múmkin

LONDON. QazAqparat - Janarmaı baǵasy kóterilgen saıyn áýe bıletiniń de baǵasy qymbattap, shyǵyn tutynýshylarǵa júkteledi, dep habarlaıdy QazAqparat BBC News-ke silteme jasap.

Halyqaralyq áýe kóligi qaýymdastyǵynyń (IATA) bas dırektory Vıllı Ýolsh BBC Sunday Morning-ke «Ushý tutynýshylar úshin qymbatqa túsetini sózsiz, munaıdyń joǵary baǵasy bılet baǵasynyń qymbattaýyna ákeledi» dedi.

Janarmaı baǵasy buryn-sońdy bolmaǵan joǵary deńgeıge kóterilip, avıakompanııalardyń eń úlken shyǵyn elementine aınaldy. Munaıdyń joǵary baǵasy aqyry tutynýshylarǵa bılet baǵasynyń qymbattaýy túrinde yqpal etetini sózsiz. Demalýshylar áýe jolynyń quny qymbattaıtynyna daıyn bolýy kerek.

Munaı baǵasy koronavırýs pandemııasynan qalpyna kele bastaǵan elderde suranystyń artýyna baılanysty ósýde.

Sonymen qatar, AQSh-tyń jáne Ulybrıtanııa men EO elderiniń reseılik munaı ımportyn kezeń-kezeńimen toqtatý josparlary basqa óndirýshilerden munaıǵa suranystyń artqanyn bildiredi, bul óz kezeginde baǵanyń ósýine ákeldi.

Foto: bbc.com