ALEM.AI ortalyǵy qashan ashylady
ASTANA. KAZINFORM – «ALEM.AI» jasandy ıntellekt ortalyǵynda túrli halyqaralyq kompanııalardyń ókildigi bolady. Bul týraly QR Jasandy ıntellekt jáne tsıfrlyq damý vıtse-mınıstri mindetin atqarýshy Rostıslav Konıashkın aıtyp berdi.
Mınıstrlik ókili búgin ortalyqtyń tehnıkalyq ashylýy ótkenin atap ótti.
– Qazirgi ýaqytta ortalyqtyń ishi tolyqtyrylyp jatyr, keńseler men kompanııalar birtindep kóship jatyr, – dep túsindirdi R. Konıashkın Digital Bridge 2025 forýmynyń kýlýarynda.
Sondaı-aq ol Telegram jelisiniń ALEM.AI bazasynda zerthana ashatynyn eske saldy.
– Búgin Pavel Dýrov (Telegram negizin qalaýshy – red.) blokcheın tehnologııasyna negizdelgen ortalyqsyzdandyrylǵan JI qoldaý júıesine barynsha kóbirek elderdi tartý josparlanyp otyrǵanyn aıtty. Al biz, Qazaqstan, bul bastamaǵa alǵashqylardyń biri bolyp qosyldyq. Bizge el retinde birlesken damý men seriktestik turǵysynan senim artqany úshin Pavelge alǵysymyzdy bildiremiz, – dedi Rostıslav Konıashkın.
Spıker ALEM.AI halyqaralyq ortalyǵy bıyl jyl sońyna deıin ashylyp, tolyqqandy iske qosylatynyn jetkizdi.
Buǵan deıin Rostıslav Konıashkın memlekettik qyzmetter salasyna jasandy ıntellektini engizý týraly aıtyp bergen edi.