Álem turǵyndarynyń 25 paıyzynda metabolıkalyq sındrom belgileri kezdesedi
ALMATY. KAZINFORM — Almatyda «Metabolıkalyq sındrom 2025: HHІ ǵasyrdyń jahandyq trendteri men syn-qaterleri» taqyrybynda halyqaralyq ǵylymı-praktıkalyq konferentsııa ótti. Oǵan Qazaqstan, Shvetsııa, Grýzııa jáne Reseıdiń jetekshi sarapshylary qatysty.
Metabolıkalyq sındrom — qazirgi klınıkalyq tájirıbedegi eń ózekti jaǵdaılardyń biri, 2 tıpti qant dıabeti, júrek-qan tamyrlary aýrýlary, alkogolsiz baýyrdy maı basý aýrýlary, semizdik jáne basqa sozylmaly ınfektsııalyq emes aýrýlardyń damýymen tyǵyz baılanysty.
Dúnıejúzilik densaýlyq saqtaý uıymy álemdegi eresek turǵyndardyń 25%-dan astamynda metabolıkalyq sındrom belgileri bar dep esepteıdi.
Densaýlyq saqtaý mınıstrliginiń bas endokrınology Laýra Danıarova bul derttiń jastar arasynda jıilep bara jatqanyn jáne bul úrdis búkil álemde de baıqalatynyn atap ótti.
— Biz 2 tıpti qant dıabetiniń barıatrııalyq nemese metabolıkalyq hırýrgııasy sııaqty ózekti taqyrypty qarastyryp jatyrmyz. Bul 2 tıpti qant dıabetin emdeýdiń, hırýrgııalyq ádisterdi qoldanýdyń jańa standarttarynyń biri, — dedi dáriger.
Grýzııalyq endokrınolog Elena Gıorgadze metabolıkalyq buzylystarynyń negizgi sebebi adamnyń ómir surý salty ekenin tilge tıek etti. Qımyldyń azdyǵy, artyq salmaq, tamaqtaný tártibiniń buzylýy.
Kongress taqyryptarynyń ishinde semizdikti, qant dıabetin, baýyrdyń metabolıkalyq-assotsıatsııalanǵan steatotıkalyq aýrýyn emdeýge, endokrındik buzylýlardy dıagnostıkalaý men emdeýdiń, barıatrııalyq hırýrgııa men nýtrıtıvtik qoldaýdyń sondaı-aq patsıentterdi baqylaýdyń psıhosomatıkalyq aspektileriniń zamanaýı ádis-tásilderine erekshe nazar aýdarylatyn bolady.
Kardıologııa jáne ishki aýrýlar ǴZI Basqarma tóraǵasynyń ǵylymı-klınıkalyq jáne ınnovatsııalyq qyzmet jónindegi orynbasary Jámılá Qaıbýllaeva kongress barysynda qazaqstandyq jáne sheteldik dárigerler metabolıkalyq sındromdy emdeý máselelerin talqylaǵanyn aıtty.
— Dárigerler semizdikti, qant dıabetin, baýyrdyń metabolıkalyq-assotsıatsııalanǵan steatotıkalyq aýrýyn emdeýge, endokrındik buzylýlardy dıagnostıkalaý men emdeýdiń, barıatrııalyq hırýrgııa men nýtrıtıvtik qoldaýdyń sondaı-aq patsıentterdi baqylaýdyń psıhosomatıkalyq aspektileriniń zamanaýı ádis-tásilderine erekshe nazar aýdaryp, ózara tájirıbe almasty, — deıdi ol.
Buǵan deıin, Qazaqstannyń reprodýktıvti medıtsınasy jasandy ıntellekt arqyly bedeýlikti emdeýdiń eń zamanaýı ádisterin qoldanyp jatqany týraly jazǵan edik.