Álem kýbogynda qansha eldiń boksshylary jartylaı fınalǵa shyqty

ASTANA. KAZINFORM - Astanada ótip jatqan World Boxing aıasyndaǵy álem kýbogynda jartylaı fınalǵa qansha eldiń boksshylary shyqqany belgili boldy.

Sportty damytý dırektsııasynyń habarlaýynsha, elordadaǵy J.Úshkempirov atyndaǵy jekpe-jek saraıynda ótip jatqan dúbirli dodada 18 salmaqta jartylaı fınalǵa shyqqan bylǵary qolǵap sheberleri anyqtaldy.

Qazirge deıin ótken 2 álem kýbogy kezeńiniń qorytyndysy boıynsha 22 eldiń ókilderi júldeli oryndarǵa qol jetkizgen edi. Al Astana tórinde Ázerbaıjan, Japonııa, Domınıkan Respýblıkasy, Qyrǵyzstan, Nıgerııa, Fılıppın alǵash ret medal ıegeri atandy.

Jartylaı fınalǵa Qazaqstan atynan 14 boksshy shyqsa, Úndistan - 10, Brazılııa men Túrkııa - 6, Ózbekstan - 4, Aýstralııa, Ázerbaıjan, Frantsııa, Anglııa, Japonııa, AQSh 3 bylǵary qolǵap sheberine úmit artady. Al Germanııa, Mońǵolııa, Bolgarııa - 2, Fınlıandııa, Taıpeı, Norvegııa, Domınıkan Respýblıkasy, Qyrǵyzstan, Nıgerııa, Fılıppın men Polsha 1 sportshysyn qosyp otyr.

Sondaı-aq fınalǵa Qazaqstan, Úndistan, Túrkııa jáne Brazılııa bir-birden boksshysyn shyǵardy.

Qazirdiń ózinde Qazaqstan, Ózbekstan, Túrkııa, Frantsııa bir-birden qola júldege ıe boldy.