Álem kýbogynda qansha eldiń boksshylary fınalǵa shyqty

ASTANA. KAZINFORM - Astanada ótip jatqan World Boxing aıasyndaǵy álem kýbogynda fınalǵa qansha eldiń boksshylary shyqqany belgili boldy.

Fınalǵa qazaqstandyq on eki boksshy joldama aldy. Onyń ishinde 6-ýy erler, 6-ýy áıelder quramasynyń enshisine tıedi.

Sondaı-aq fınalda Úndistan - 8, Brazılııa - 6, Túrkııa men Aýstralııa - 2, Fılıppın, Frantsııa, Mońǵolııa, AQSh, Fınlıandııa, Norvegııa, Japonııa, Bolgarııa, Germanııa, Ózbekstan - 1 boksshyna senim artady.

Bokstan álem kýbogynyń fınaly 6 shildede elordadaǵy J.Úshkempirov atyndaǵy Jekpe-jek saraıynda saǵat 14:00 jáne 19:00-de ótedi. 

Álem kýbogyna 30 elden 300-ge jýyq boksshy qatysyp jatyr. Bul Olımpıadalyq WORLD BOXING uıymynyń Qazaqstandaǵy alǵashqy jarysy bolyp otyr.

Álem kýbogy jyl boıyna birneshe kezeńmen ótkiziledi. Reıtıngilik saıysta ár salmaq dárejesinde jeńimpazǵa 300, ekinshi orynǵa 200, qos qola júldegerge 150 upaıdan beriledi.

Álem kýbogy 30 maýsym men 6 shilde aralyǵynda ótedi.