Álem kýbogy: Saǵyndyq Toǵambaı jartylaı fınalǵa shyqty

ASTANA. KAZINFORM - Qazaqstandyq Saǵyndyq Toǵambaı (90 keli) Astanadaǵy bokstan Álem kýbogynda jartylaı fınalǵa joldama aldy.

Otandasymyz 1/4 fınalda AQSh-tan kelgen Malakaı Djordjespen qolǵap túıistirdi.

Tartysqa toly jekpe-jektiń birinshi bóliminde AQSh ókili basym tústi. Alaıda, qalǵan eki raýndta Saǵyndyq Toǵambaı qarsylasynan aılasyn asyryp, jeńiske jetti.

Osylaısha, Saǵyndyq jartylaı fınal joldamasyna ıe boldy.

2 shildede Nazym Qyzaıbaı (48 keli), Alýa Balqybekova (51 keli), Sanjar Táshkenbaı (50 keli), Bekzad Nurdáýletov (85 keli), Vıktorııa Grafeeva (60 keli), Aıda Ábikeeva (65 keli), Ertýǵan Zeınýllınov (65 keli) jarysty jalǵastyrýǵa múmkindik aldy.

Al Gúlsaıa Erjan (80 keli) alǵashqy jekpe-jeginde jeńilip qaldy.

Álem kýbogyna 30 elden 300-ge jýyq boksshy qatysyp jatyr. Bul olımpıadalyq WORLD BOXING uıymynyń Qazaqstandaǵy alǵashqy jarysy bolyp otyr.

Álem kýbogy jyl boıyna birneshe kezeńmen ótkiziledi. Reıtıngilik saıysta ár salmaq dárejesinde jeńimpazǵa 300, ekinshi orynǵa 200, qos qola júldegerge 150 upaıdan beriledi.