Álem kýbogy: Saǵyndyq Toǵambaı qola júldeger atandy

ASTANA. KAZINFORM - Astanada ótip jatqan World Boxing aıasyndaǵy álem kýbogynda Saǵyndyq Toǵambaı (90 keli) qola júldeger atandy.

Ol jartylaı fınalda túrkııalyq Emra ıAsarmen fınalǵa joldamany sarapqa saldy.

Úsh raýndtyń qorytyndysy boıynsha, Saǵyndyq Toǵambaı qarsylasyna ese jiberdi. Osylaısha ol álem kýbogynyń qola júldesine ıe boldy.

El quramasynan 4 shildede Alýa Balqybekova (51 keli), Aıda Ábikeeva (65 keli), Eldana Tálipova (80 keliden joǵary), Ertýǵan Zeınýllınov (65 keli) jarysty jalǵastyrýǵa múmkindik aldy.

Al 3 shildede Natalıa Bogdanova (70 keli), Nurbek Oralbaı (80 keli), Aıdana Zabynbekova (57 keli), Mahmýd Sabyrhan (55 keli), Sabyrjan Aqqalyqov (75 keli), Aıbek Oralbaı (90 keliden joǵary) jarystyń kelesi satysyna shyqty.

Álem kýbogy jyl boıyna birneshe kezeńmen ótkiziledi. Reıtıngilik saıysta ár salmaq dárejesinde jeńimpazǵa 300, ekinshi orynǵa 200, qos qola júldegerge 150 upaıdan beriledi.

Álem kýbogy 30 maýsym men 6 shilde aralyǵynda ótedi.