Álem kýbogy: Aıbek Oralbaı jartylaı fınalǵa joldama aldy

ASTANA. KAZINFORM — Astanada ótip jatqan World Boxing aıasyndaǵy álem kýbogynda Aıbek Oralbaı (90 keliden joǵary) jartylaı fınalǵa ótti.

Shırek fınalda ıtalııalyq Dıego Lentsımen sheberlik baıqasty. Otandasymyz úsh raýndtyń qorytyndysy boıynsha basym tústi. Aıbek Oralbaı kem degende Álem kýbogynyń qola júldesin qorjynǵa saldy.

Sondaı-aq búgin el quramasynan Natalıa Bogdanova (70 keli), Nurbek Oralbaı (80 keli), Aıdana Zabynbekova (57 keli), Mahmýd Sabyrhan (55 keli), Sabyrjan Aqqalyqov (75 keli) jarysty jalǵastyrýǵa múmkindik aldy.

Al Serik Temirjanov (60 keli) qarsylasyna ese jiberip, júldeden tys qaldy.

Álem kýbogyna 30 elden 300-ge jýyq boksshy qatysyp jatyr. Bul Olımpıadalyq WORLD BOXING uıymynyń Qazaqstandaǵy alǵashqy jarysy bolyp otyr.

Álem kýbogy jyl boıyna birneshe kezeńmen ótkiziledi. Reıtıngilik saıysta ár salmaq dárejesinde jeńimpazǵa 300, ekinshi orynǵa 200, qos qola júldegerge 150 upaıdan beriledi.

Álem kýbogy 30 maýsym men 6 shilde aralyǵynda ótedi.