Álem chempıonatynda qaı eldiń boksshylary jartylaı fınalǵa shyqty

ASTANA. KAZINFORM - Anglııanyń Lıverpýl qalasynda World Boxing aıasynda ótip jatqan álem chempıonaty jartylaı fınalda qaı eldiń boksshylary kóp joldama alǵany belgili boldy.

Bul jóninen Ózbekstan quramasy 9 boksshymen alda tur. Odan keıingi orynda 8 boksshymen Qazaqstan quramasy keledi. Al úzdik úshtikti túıindegen Qytaı quramasynan 6 sportshy sharshy alańǵa shyǵady.

Sondaı-aq jartylaı fınalda Brazılııa men 󠁧󠁢󠁥󠁮󠁧󠁿Anglııa - 4, Irlandııa, Túrkııa, Úndistan, Aýstralııa

- 3, Ázerbaıjan, Taıpeı, Polsha, Ispanııa, Japonııa, Kýba, Bolgarııa - 2 boksshyǵa senim bildiredi.

Al AQSh, Italııa, Iordanııa, Horvatııa, Ońtústik Koreıa, Vengrııa, Frantsııa, Kolýmbııa, Kanada, Venesýela, Grýzııa - 1 bylǵary qolǵap sheberine senim artady. 

El quramasynan 12 qyrkúıekte Sanjar Táshkenbaı (50 keli) men Nazym Qyzaıbaı (48 keli) shırek fınalda synǵa túsedi.

Elimizdiń erler quramasynan ázirge Mahmud Sabyrhan (55 keli), Tórehan Sabyrhan (70 keli), Aıbek Oralbaı (90 keliden joǵary), áıelder quramasynan Alýa Balqybekova (51 keli), Vıktorııa Grafeeva (60 keli), Aıda Ábikeeva (65 keli), Natalıa Bogdanova (70 keli), Eldana Talıpova (80 keliden joǵary) jartylaı fınalda synǵa túsedi. 

Sondaı-aq olardyń qataryna Nazym Qyzaıbaı (48 keli) jáne Sanjar Táshkenbaı (50 keli) tolyqtyrýy múmkin. Otandastarymyz 12 qyrkúıekte shırek fınal jekpe-jegin ótkizedi. 

El quramasynan erlerde Beıbarys Jeksen (60 keli), Ertýǵan Zeınýlınov (65 keli), Sabyrjan Aqqalyqov (75 keli), Nurbek Oralbaı (80 keli), Bekzat Nurdáýletov (85 keli), Saǵyndyq Toǵambaı (90 keli), Elına Bazarova (54 keli), Karına Ibragımova (57 keli), Nadejda Rıabets (75 keli), Gúlsaıa Erjan (80 keli) erte aıaqtaýǵa májbúr boldy.