Álem chempıonaty: Bahtıer Zaınýtdınov aldaǵy eki oıynǵa qatyspaıdy

ASTANA. KAZINFORM — Jartylaı qorǵaýshy Bahtıer Zaınýtdınov jaraqatyna baılanysty Qazaqstan ulttyq quramasynyń 2026 jylǵy álem chempıonaty irikteý kezeńindegi aldaǵy eki oıynyna qatyspaıdy. 

Qazaqstan fýtbol federatsııasynyń habarlaýynsha, fýtbolshy 4 maýsymǵa deıin komandamen birge bolady, jeke jattyǵý jasaıdy.

Bahtıer Zaınýtdınov 2018 jyldyń 23 naýryzynda ulttyq qurama sapynda alǵashqy oıynyn ótkizdi. Qazirge deıin 42 kezdesýde 14 gol soǵyp, qurama sapyndaǵy surmergen atanyp otyr. 

2023 jyldan beri ol Túrkııanyń «Beshıktash» klýbynyń namysyn qorǵap keledi.

Ulttyq qurama 5 maýsymda Belarýspen joldastyq kezdesý ótkizse, 2026 jylǵy álem chempıonaty irikteý kezeńindegi kezekti oıynynda 9 maýsymda Soltústik Makedonııamen sheberlik baıqasady. 

Quramǵa 27 oıynshy endi. Oqý-jattyǵý jıyny 31 mamyrda Astanada bastaldy.

Oıynshylar tizimi:
Qaqpashylar: Muhammedjan Seısen («Astana»), Aleksandr Zarýtskıı («Qaırat»), Stas Pokatılov («Sabah», Ázerbaıjan), Bekhan Shaızada («Ordabasy»);
Qorǵaýshylar: Álibek Qasym («Aqtóbe»), ıAn Vorogovskıı, Marat Bystrov (ekeýi de — «Astana»), Nuraly Álip («Zenıt», Reseı), Roman Asrankýlov, Aleksandr Zýev, Naýryzbek Jagorov (bári — «Tobyl»), Erkin Tapalov («Qaırat»), Sergeı Malyı, Sultanbek Astanov (ekeýi de — «Ordabasy»), Ádilbek Jumahanov («Elimaı»);
Jartylaı qorǵaýshylar: Ashat Taǵybergen, Islam Chesnokov (ekeýi de — «Tobyl»), Serikjan Mýjıkov («Elimaı»), Ǵalymjan Kenjebek («Koshıtse», Slovakııa), Dáýren Jumat («Oqjetpes»), Islambek Qýat («Jeńis»), Georgıı Jýkov («Pýşa», Polsha), Mýrodjon Halmatov («Ordabasy»);
Shabýylshylar: Maksım Samorodov («Ahmat», Reseı), Aıbar Jaqsylyqov («Qaısar»), Dastan Sátpaev («Qaırat»), Alııar Muhamed («Oqjetpes»).

Aıta ketelik «Parı Sen-Jermen» alǵash ret Chempıondar lıgasynyń jeńimpazy atandy.