Alekseı Kalaıchıdı jergilikti polıtsııa qyzmetin reformalaý strategııasy týraly aıtty
«Memleket basshysy jergilikti polıtsııa qyzmeti reformasynyń parametrlerin aıqyndap berdi. Atap aıtar bolsam, kezeń-kezeńmen qol jetimdilikti qamtamasyz etý jáne polıtsııa qyzmetiniń servıstik modelin qurý. Bul modernızatsııadaǵy sheshýshi ról ýchaskelik ınspektorǵa júkteldi», - dedi Alekseı Kalaıchıdı «Qazaqstandaǵy quqyq qorǵaý jáne sot júıesin jańǵyrtýdyń ózekti máseleleri» atty halyqaralyq dóńgelek ústel barysynda.
Ol óz baıandamysynda álemdik tájirıbede qyzmet modeli qaýipsizdik máselelerin sheshýge negizdelgen polıtsııa jumysynyń ıdeologııasy retinde qalyptasatynyn atap ótti.
«Polıtsııa qyzmetin uıymdastyrýdyń dástúrli jáne qyzmettik tásilderiniń negizgi aıyrmashylyqtary kelesideı: Dástúrli modelde polıtsııanyń basymdyǵy - qylmysqa qarsy kúres. Polıtsııanyń nazary quqyq buzýshylarǵa aýdarylady, al quqyqtyq statıstıka baǵalaý krıterııi retinde qoldanylady. Polıtsııa negizinde azamattar qylmystyń qurbany bolǵan kezde ózara árekettesedi. ıAǵnı, quqyq buzýshylyqtyń aldyn alý jáne qaýipsizdik problemalaryn sheshý joldaryn ázirleý protsesine turǵyndar az qatysady», - dedi ishki ister mınıstriniń orynbasary.
Spıkerdiń aıtýynsha, polıtsııanyń qyzmet kórsetý modelin engizý, halyqtyń polıtsııaǵa degen senimin arttyrýǵa múmkindik beredi.
«Birinshiden, bul qylmystyń aldyn alý salasyndaǵy tolyqqandy quqyqtyq óris. Aldyn alýdyń sýbektileri men olardyń quzyretin, profılaktıkalyq jumystardy júrgizý quraldary men negizderin, sondaı-aq oǵan qatysty obektilerdi anyqtaıtyn zańdar qabyldandy. Jergilikti polıtsııa qyzmeti quryldy, onyń negizin ýchaskelik ınspektorlar (6481), patrýldik polıtsııa (10743), ıývenaldy polıtsııa (2900) jáne turmystyq zorlyq-zombylyqtan qorǵaý bólimsheleri qurady (119)», - dedi Alekseı Kalaıchıdı.
Sonymen qatar, ol qoǵammen ózara árekettesý negizderi qalyptasqanyn atap ótti. Іshki ister organdarynyń qyzmeti boıynsha qoǵamdyq keńes quryldy, ol toqsan saıyn quqyq qorǵaý salasyndaǵy ózekti máselelerdi qaraıdy. Іshki ister organdarynyń barlyq is-sharalary resmı saıtta jáne Polisia.kz portalynda qamtylǵan.
«Azamattar ishki ister mınıstriniń blogyna tikeleı habarlasý múmkindigin aldy. Polıtsııaǵa júginý protsedýrasyn jeńildetý maqsatynda azamattar úshin 252 qabyldaý bólimi ashyldy. Aı saıyn «Jolda qabyldaý» aktsııasy uıymdastyrlady. Áleýmettik jelilerdegi jumys kúsheıtildi», - dedi vıtse-mınıstr.
Onyń aıtýynsha, ýchaskelik polıtsııa qyzmetkerleriniń sany 5 890-dan 6 481 adamǵa deıin kóbeıdi. Atalǵan qyzmettiń materıaldyq-tehnıkalyq bazasy jetildirilýde. 250-den astam ýchaskelik polıtsııa beketteri salyndy. Ýchaskelik ınspektorlardyń 70% -y kólikpen jáne planshettermen qamtamasyz etildi. 2019 jyly jalaqy 25% -ǵa kóterildi. Aldaǵy úsh jylda jalaqy taǵy 30% ósedi»,- dedi spıker.
Mınıstrdiń orynbasary jergilikti polıtsııa qyzmetin reformalaý strategııasynyń ush baǵytyn atady:
– Qoǵamdyq seriktestik.
– Qoljetimdilik.
– Ýchaskelik polıtsııanyń róli.
«Árbir baǵyttyń júıeliligi men pysyqtalý sapasyn qamtamasyz etý úshin bul jumysty úsh kezeńde ótkizý usynylady. Biz ákimshilik óndiris protsesterin, modýldik polıtsııa beketterin ornalastyrýdy qolǵa alamyz. Biz polıtsııa qyzmetiniń modelin qalyptastyrý úshin «pılottyq» aımaqtardy anyqtaımyz jáne tıptik jobalyq qujattamany ázirleımiz», - dedi spıker.
