Aleksandr Shevchenko Dýbaı týrnıriniń irikteý saıysyn sátti bastady

ASTANA. KAZINFORM – Qazaqstannyń ekinshi, álemniń 79-raketkasy Aleaksandr Shevchenko Dýbaı ATP 500 týrnıri irikteý saıysynyń fınalyna shyqty.

Іrikteýde 5-raketka bolyp tirkelgen qazaqstandyq tennısshi alǵashqy kezdesýin reıtıngide 136-satydaǵy grýzııalyq Nıkoloz Basılashvılımen ótkizdi. 

Birinshi partııada Shevchenko taı-breıkte bet qaratpady – 7:6 (7:1).

Ekinshi sette 6:4 esebi tirkeldi.

Bir saǵat 18 mınýtqa sozylǵan básekede Shevchenko 11 eıspen birge 2 breık-poınttyń bireýin paıdalandy. Basılaıshvılı 14 eıspen kózge tústi.

Aleksandr Shevchenko endi irikteý saıysynyń fınalyndaǵy qarsylasyn jeńse, negizgi jarysqa joldama alady. 

Dýbaıda 23-28 aqpanda ótetin ATP 500 týrnıriniń jerebesi tartyldy. Onda álemdik reıtıngide 7-orynda turǵan kanadalyq Felıks Oje-Alıassım dodanyń 1-raketkasy bolyp tirkelgen. Al álemniń 10-raketkasy, qazaqstandyq Aleksandr Býblık ekinshi nómirmen báıgege qosylmaq. Ol alǵashqy aınalymda irikteý saıysy jeńimpazdarynyń birimen kezdesedi.

Eske sala keteıik, budan buryn Anna Danılınanyń Dýbaıdaǵy týrnırdiń fınalynan tys qalǵanyn jazǵan edik.

18 jastaǵy Ámir Omarhanov Týnıstegi týrnırdiń fınalyna shyqty.