Aleksandr Nedovesov Belgııadaǵy jarystyń fınalynda jeńilis tapty

ASTANA. KAZINFORM - Qazaqstannyń juptyq syndaǵy birinshi, álemniń 57-raketkasy Aleksandr Nedovesov Antverpen (Belgııa) ATP 250 týrnıriniń fınalynda utylyp qaldy.

Qazaqstandyq tennısshi amerıkalyq Robert Galloveımen birge fınalda aýstrııalyqtar Aleksandr Erler - Lýkas Mıdlermen bas júlde úshin talasty.

Birinshi partııada aýstrııalyq jup 6:4 esebimen basym tússe, ekinshisinde qazaqstandyq-amerıkalyq dýet artyǵymen ese qaıyrdy – 6:1. Alaıda sýper taı-breıkte aýstrııalyqtar sátti oınady – 10:8.

Bir saǵat 14 mınýtqa sozylǵan báseke barysynda Nedovesov – Galloveı 6 eıspen birge 4 breık-poınttyń ekeýin paıdalandy. Erler – Mıdler 2 eıs, 1 breıkpen (3 breık-poınt) kózge tústi.

Eske sala keteıik, budan buryn Zarına Dııastyń kambekpen Túrkııadaǵy týrnırdiń chempıony atanǵanyn jazǵan bolatynbyz.