Aleksandr Býblık Shtýtgarttaǵy týrnırdiń shırek fınalyna shyqty

NUR-SULTAN. QazAqparat – Qazaqstandyq Aleksandr Býblık juptyq synda Shtýtgart (Germanııa) ATP 250 týrnıriniń shırek fınalyna shyqty, dep habarlaıdy QazAqparat tilshisi.

Júlde qory 770 myń eýroǵa baǵalanǵan jarysta A.Býblık aýstralııalyq Nık Kırospen birge bastapqy kezdesýin aýstrııalyq Fılıpp Osvald – meksıkalyq Hans Hach Verdýgomen ótkizdi.

Qazaqstandyq-aýstralııalyq jup 6:2, 6:4 esebimen jeńiske jetti. Olardyń shırek fınaldaǵy qarsylastary keıin anyqtalady.

Búgin Qazaqstannyń birinshi, álemniń 42-raketkasy Aleksandr Býblık jekeleı synda da óner kórsetedi. Onyń alǵashqy qarsylasy – dúnıejúzilik reıtıngte 77-orynda turǵan amerıkalyq Denıs Kýdla.

Taǵy bir qazaqstandyq Tımofeı Skatov Italııada Perýdja chelendjer jarysynyń ekinshi aınalymyna shyǵa almady. Qazaqstandyq tennısshi ıtalııalyq Flavıo Kobollıge jol berdi – 6:7 (4:7), 3:6.

Denıs Evseev Orlando (AQSh) chellendjer dodasynyń alǵashqy aınalymynda japonııalyq ıAsýtaka Ýtııamadan jeńilip qaldy – 6:3, 3:6, 2:6.

Eske sala keteıik, budan buryn Rafael Nadaldyń Rolan Garros týrnırin on tórtinshi ret utyp alǵanyn, Túrkistan qalasynda jańa tennıs ortalyǵy boı kótergenin jazǵan bolatynbyz.