Aleksandr Býblık álemdik reıtıngide rekordtyq 17-orynǵa kóterildi

ASTANA. KAZINFORM — Kásibı tennısshiler qaýymdastyǵynyń (ATP) jańartylǵan reıtıngisinde Qazaqstannyń birinshi raketkasy Aleksandr Býblık 19-dan 17-orynǵa kóterildi.

Bul — onyń sport mansabyndaǵy úzdik kórsetkish.

Aleksandr Shevchenko 61-den 59-ǵa aýyssa, Mıhaıl Kýkýshkın 135-ten 136-ǵa syrǵydy. Denıs Evseev pen Beıbit Juqaev sáıkesinshe 167 jáne 171-ornynda qaldy.

Ótken aptada Aýgsbýrg (Germanııa) chellendjer týrnıriniń chempıony atanǵan Tımofeı Skatov 242-ten 199-ǵa joǵarylap, TOP-200-ge kirdi. 

Juptyq synda Qazaqstannyń birinshi raketkasy Aleksandr Nedovesov 38-den 40-satyǵa tómendedi. 

Áıelder arasynda WTA reıtıngisinde Elena Rybakına 4-ornyn saqtap qalsa, ıÝlııa Pýtıntseva 37-den 39-ǵa tústi. 

Juptyq synda Anna Danılına 59-dan 57-ge shyqsa, Jibek Qulambaeva 144-orynda (-2) tur.

Eske sala keteıik, budan buryn Parıjde Rolan Garros týrnıri bastalatynyn jazǵan bolatynbyz.

Keshe Parıjde qazaqstandyqtardan alǵashqy bolyp shyqqan Mıhaıl Kýkýshkın majarstandyq Fabıan Marojannan jeńilip qaldy — 2:6, 2:6, 3:6.

Búgin A.Shevchenko Frantsııa ashyq chempıonatynyń alǵashqy aınalymynda reıtıngide 82-oryndaǵy reseılik Aslan Karatsevpen synǵa túsedi.