Aldyn ala qorytyndy: Qaraǵandy oblysynan Senat depýtaty Serik Óteshov bolady
Qaraǵandy oblysynda senator mandatyna úsh adam úmitker. Parlamenttiń joǵarǵy palatasyna saılaý Qaraǵandy kenshiler mádenıet saraıynyń ǵımaratynda ótti. Daýys berýge oblystyń barlyq deńgeıdegi 14 máslıhatynyń 191 saılaýshy – depýtattary jınaldy.
Qaraǵandy oblysynda Senat depýtattyǵyna jeti kandıdat usynyldy. Úsh kandıdat tirkelgen: oblystyq máslıhat depýtaty, kommertsııalyq qurylymnyń qyzmetkeri jáne qoǵamdyq uıymnyń ókili.
Aldyn ala esepteýler boıynsha Murat Ábilov 15 daýys jınady, Tatıana Shatohına - 24 daýys, Serik Óteshov úshin 147 depýtat óz daýystaryn berdi. Barlyǵyna qarsy - 2.
Esterińizge sala keteıik, Memleket basshysynyń Jarlyǵymen QR Parlamenti Senatynyń depýtattaryn saılaý 2023 jylǵy 14 qańtarǵa taǵaıyndaldy.
Senatty qalyptastyrý tártibi QR Konstıtýtsııasynda aıqyndalǵan. Parlamenttiń joǵarǵy palatasynda ár oblystan, respýblıkalyq mańyzy bar qaladan jáne Astanadan eki adam usynylǵan. Senat depýtattary janama saılaý quqyǵy negizinde saılaýshylar – máslıhat depýtattary jasyryn daýys bergen kezde saılanady. Senat depýtattarynyń ókilettik merzimi alty jyldy quraıdy. Bul jaǵdaıda jartysy úsh jyl saıyn qaıta saılanady.
