Aldyn ala daýryǵýǵa negiz joq - Energetıka mınıstrligi AES jaıly
«Júrgizilgen baǵalaýǵa sáıkes elimizdiń elektr qýatynyń boljamdy balansynda 2030 jylǵa qaraı Qazaqstannyń ońtústiginde 2,7 GVt-qa deıin bazalyq qýat tapshylyǵy kútilýde. Osyǵan oraı, elimizdiń ońtústiginde bý-gaz, gıdro jáne atom stantsııalaryn salý sııaqty ártúrli otyn jáne energııa kózderin paıdalana otyryp, bazalyq jáne manevrlik generatsııany engizý arqyly tapshylyqty jabý múmkindigin qarastyryp otyr», - dep habarlaıdy mınıstrlikten.
Vedomstvonyń habarlamasyna sáıkes, salynýy múmkin AES-tiń ekonomıkalyq jáne tehnıkalyq parametrlerin naqtylaý jáne reaktorlyq tehnologııany tańdaý úshin Tehnıkalyq-ekonomıkalyq negizdemeniń Marketıngtik bólimi ázirlengen. Onda naryqta bar III+ reaktorlyq tehnologııalardy taldaý, sondaı-aq 5 eldiń reaktorlyq tehnologııalardy jetkizýshilerimen, sonyń ishinde Rosatom memlekettik kompanııasymen, aqparat almasý júrgiziledi.
«Budan basqa, áleýetti ınvestorlar elimizdiń ońtústik óńirlerinde manevrli gaz generatsııasyn, sondaı-aq Ertis ózeninde Shúlbi GES jáne Іle ózeninde Qapshaǵaı GES kontrregýlıatorlaryn salý máselesin qarastyrýda. Shymkent Jylý elektr ortalyǵy alańynda qýaty shamamen 450 MVt bolatyn jańa bý-gaz elektr stantsııasyn salý jóninde usynys berildi. Tek múmkindikter jáne usynylatyn jobalar tııanaqty zerttelgen soń ǵana elektr energııasyn óndirýge Qazaqstan úshin neǵurlym ońtaıly jáne qolaıly tehnologııalar aıqyndalatyn bolady. Eger qýat tapshylyǵyn joıý maqsatynda AES-ti tańdaǵan jaǵdaıda Qazaqstan Respýblıkasynyń zańnamasyna sáıkes AES salý týraly sheshimdi QR Úkimeti qoǵamdyq tyńdaýlar júrgizip, AES salynatyn aýmaqtardyń jergilikti ókildi organdardyń kelisimi boıynsha qabyldaıtyn bolady», - delingen habarlamada.
Energetıka mınıstrligi bul rette elimizdiń sharýashylyq mindetterin sheshý muqtajdyǵy, qajetti jaǵdaılardyń bolýy jáne qaýipsizdik qateriniń bolmaýy eskeriledi.
«Osylaısha, aldyn ala daýryǵyp, tujyrymdar jasaýǵa jáne negizsiz alańdaýǵa sebep joq ekenin habarlaımyz», - dep habarlaıdy mınıstrlikten.
Esterińizge sala keteıik, QR Prezıdenti Qasym-Jomart Toqaevtyń RF-ke resmı sapary barysynda Reseı Prezıdenti Vladımır Pýtın eki eldiń arasyndaǵy energetıkalyq saladaǵy yntymaqtastyqty keńeıtýdi jáne Qazaqstanda AES qurylysyn reseılik tehnologııamen júrgizýdi usyndy.
«Beıbit atom salasynda yntymaqtastyq damyp keledi, ýran óndirý men baıytý boıynsha qazaqstandyq-reseılik alty kásiporyn jumys isteýde. Ózara is-qımyldyń jańa formatyna kóshý, osy oraıda reseılik tehnologııalarmen AES salý múmkindigin usynamyz», - dedi V. Pýtın.
Aıta keteıik, búgin QR Energetıka vıtse-mınıstri Maǵzum Myrzaǵalıev Qazaqstanda atom elektr stansasyn salý týraly usynysqa qatysty túsinik bergen bolatyn.
