Aldaǵy úsh kún Almaty ózenderinde sý tasyp, taýda qar kóshkini júrýi múmkin

ALMATY. QazAqparat - Aýa raıynyń nasharlaýyna baılanysty tótenshe jaǵdaılar departamenti turǵyndarǵa taýǵa shyqpaýǵa keńes berdi, dep habarlaıdy QazAqparat tilshisi.

Almaty qalalyq tótenshe jaǵdaılar departamenti taratqan málimetke qaraǵanda, 25-27 aqpan aralyǵynda taýly aımaqtarda qar aralas jańbyr jaýyp, qalyń tuman túsip, qóktaıǵaq bolady.

Sondaı-aq temperatýralyq fonnyń joǵarylaýyna baılanysty qar jyldam erip, muz álsireıdi jáne ózenderde sý deńgeıi kóterilip, tasqyn bolýy múmkin.

«Jylymyqtyń aıasynda jaýyn-shashynnyń túsýine jáne qar jamylǵysynyń turaqsyzdyǵy men qalyńdyǵyna baılanysty Úlken jáne Kishi Almaty sý alaptarynda 24-25 aqpanda qar kóshkini qaýpi saqtalady. Kóshkin júrý qaýpine baılanysty qarly tik jartastarǵa shyǵýǵa bolmaıdy. Taýda abaı bolyńyzdar»,- delingen vedomstvonyń habarlamasynda.