Aldaǵy ýaqytta elimizdegi kedeılik deńgeıinde ómir súretinder sany 25 paıyzǵa tómendeıdi - K. Másimov
Búgin elordada «Jańa onjyldyq: Bolashaqtar men talaptar» atty IV Astanalyq ekonomıkalyq forým barysynda sóz sóılegen QR Premer-Mınıstri Kárim Másimov osylaı málim etti.
«Búgingi kúni Dúnıejúzilik bank Qazaqstandy ortasha tabysty el retinde qarap keledi. Biz aıtarlyqtaı progreske qol jetkizdik, alaıda alda odan da aýqymdy sharalar barshylyq. Birinshiden, biz óz múmkindikterimizdi qamtamasyz ete otyryp, ómir súrý deńgeıiniń ártúrliligi problemalaryn joıýymyz kerek. Elimizde ınfraqurylymdy damytýdy odan ári jalǵastyrý qajet. Sońǵy úsh jylda 46 jańa tehnıkalyq jáne kásibı-tehnıkalyq oqý mekemeleri ashyldy. Budan bólek, biz óńirlik kóliktik jelilerdi jańǵyrtýǵa, kommýnaldyq jeliler men turǵyn úı qurylysyn damytýǵa ınvestıtsııany údetip kelemiz. Aýyl sharýashylyǵy sektoryn azyq-túlik ónimderin óńdeý salasy boıynsha qosymsha qoldaýdy júzege asyrýdamyz. Osylaısha, biz aldaǵy ýaqytta kedeılik deńgeıde ómir súrip otyrǵandar kórsetkishin 25 paıyzǵa tómendetip, jumyssyzdar sanyn da 5,5 paıyzdan aspaıtyn deńgeıde ustap turmaqpyz», - dedi K. Másimov.
