Aldaǵy bes jylda Túrkistanda 24 arheologııalyq zertteý júrgiziledi
Bul týraly Mádenıet jáne sport mınıstri Aqtoty Raıymqulova Úkimet otyrysynda aıtty.
«Qazirgi tańda Túrkistan oblysyna bir jylda keletin týrıster sany 1,2 mln bolady. Óńirdiń týrıstik aǵynyn ulǵaıtý úshin Túrkistan jáne Tóle bı aýdanyndaǵy «Qasqasý» týrıstik-rekreatsııalyq ortalyqtarynyń ınfraqurylymyn damytý josparlanyp otyr. Sondaı-aq Uly Jibek joly boıynda jańa týrıstik ónimder paıda bolady», - dedi mınıstr.
Aqtoty Raıymqulova Túrkistan óńirin damytýdyń besjyldyq keshendi jospar sheńberinde mádenıet pen týrzımdi qozǵaıtyn 11 ınvestıtsııalyq joba josparlanǵanyn, onyń 9-y jeke ınvestıtsııalar esebinen iske asatynyn aıtty.
«Sonyń arqasynda 2025 jyly týrıster sanyn 2,5 mln adamǵa deıin, ornalastyrý oryndarymen qyzmet kórsetilgen kelýshiler sanyn 291 myń adamǵa deıin jáne týrızm salasynda jumys isteıtinder sanyn 30 myń adamǵa deıin artady dep josparlanýda. Statıstıkalyq derekter boıynsha óńirde 703 mádenıet mekemesi bar. Jańadan 13 mádenıet nysany paıdalanýǵa beriledi», - dedi vedomstvo basshysy.
Mınıstrdiń aıtýynsha, keshendi jospary aıasynda tarıhı-mádenı murany saqtaý boıynsha 3 aýqymdy jobany iske asyrý kózdelgen.
ıAǵnı, Kúltóbe qalashyǵynyń tarıhı nysandaryn qalpyna keltirý, Áziret Sultan qoryq-mýzeıiniń aýmaǵyn abattandyrý, sondaı-aq Qoja Ahmet ıAsaýı jáne Rabııa Sultan Begim kesenelerin, Túrkistan qalasyndaǵy tsıtadeldiń qamal qabyrǵasyn qalpyna keltirý jumystary kózdelip otyr.
«2025 jylǵa deıin 59 nysanǵa qalpyna keltirý jumystaryn aıaqtap, 24 arheologııalyq zertteý júrgizý josparlanyp otyr. Nátıjesinde Qoja Ahmet ıAsaýı kesenesine kelýshiler sany 2,3 mln adamǵa deıin artady», - dedi Aqtoty Raıymqulova.
