Aldaǵy 4 jylda elordanyń densaýlyq saqtaý júıesin damytýǵa 611 mlrd teńge baǵyttalmaq
«Elordanyń densaýlyq saqtaý júıesin damytýdyń 2023-2027 jyldarǵa arnalǵan osy keshendi jospary halyqqa medıtsınalyq kómek kórsetý sapasyn arttyrý, sondaı-aq Astana qalasynyń Densaýlyq saqtaý júıesiniń ambýlatorııalyq jáne statsıonarlyq jelilerin nyǵaıtý maqsatynda ázirlendi. Keshendi jospar jańa medıtsınalyq obektilerdi salýdy jáne jumys istep turǵandaryn rekonstrýktsııalaýdy, medıtsınalyq uıymdardyń materıaldyq-tehnıkalyq bazasyn nyǵaıtýdy jáne kadr resýrstaryn damytýdy kózdeıdi. Keshendi jospar jalpy somasy 611 mlrd teńgege 30 uıymdastyrý jáne iske asyrý is-sharalarynan turady», - dep kórsetilgen josparda.
Qujatta jazylǵandaı, 2027 jylǵa deıin alǵashqy medıtsınalyq-sanıtarlyq kómek kórsetetin 9 jańa nysan salynbaq. Sonymen qatar balalarǵa arnalǵan mamandandyrylǵan 5 uıym boı kóteredi.
«Sondaı-aq keshendi josparlarda tapshy mamandyqtar boıynsha rezıdentýranyń bilim berý granttarynyń sanyn ulǵaıtý, jas mamandardy áleýmettik qoldaý sharalarymen qamtamasyz etý (qyzmettik turǵyn úı berý, medıtsına qyzmetkerlerin saralanǵan qosymsha aqy túrinde kótermeleý jáne biliktiligin arttyrý, onyń ishinde shetelde) esebinen medıtsına qyzmetkerleriniń kadrlyq áleýetin nyǵaıtý kózdeledi», - delingen keshendi josparda.
Qujat 14 qyrkúıekke deıin kópshilik talqylaýda bolady.
