Aldaǵy 2 jylda ımport kólemi 2016 jylǵydan 2 ese artady

ASTANA. QazAqparat – Bıyl munaı, ýran, astyq sııaqty Qazaqstan eksportynyń negizgi taýary bolyp esepteletin shıkizat ónimderiniń baǵasy qymbat bolǵandyqtan tólem balansynyń profıtsıti saqtalýy múmkin. Ulttyq banktiń basqarma tóraǵasy Ǵalymjan Pirmatov Úkimettiń keńeıtilgen otyrysynda osyndaı derek keltirdi, dep habarlaıdy QazAqparat tilshisi.

«Shıkizat baǵasynyń joǵary bolýyna baılanysty 2022 jyly tólem balansynyń aǵymdaǵy shotynyń profıtsıt aımaǵyna ótetini jáne munaıdyń, metaldyń, ýran men astyqtyń álemdik baǵasy joǵary bolǵandyqtan taýarlar eksportynyń ósýi esebinen sol aımaqta saqtalatyny kútiledi. 2023 jyly aǵymdaǵy shot profıtsıtiniń 1,9 mlrd dollar deńgeıinde, al 2024 jyly 1,2 mlrd dollar deńgeıinde bolatyny kútiledi», - dedi Ulttyq bank basshysy.

Onyń boljamynsha, taýar ımporty da joǵary deńgeıde qalady.

«2023-2024 jyldary taýar ımporty 2016 jylmen salystyrǵanda 2 ese ulǵaıyp, rekordtyq tarıhı mánnen asyp túsetin bolady.

2023-2024 jyldary profıtsıttiń boljamdy qysqarýy ımportqa degen suranystyń turaqty ósýine baılanysty bolady», - dedi Ǵalymjan Pirmatov.