Aldaǵy kúnderi aýa raıy 20 gradýsqa deıin sýytady

ASTANA. KAZINFORM – «Qazgıdromet» sınoptıkteri 12-14 naýryzǵa arnalǵan aýa raıy boljamyn málim etti. 

Sınoptıkterdiń boljamynsha, Qazaqstan aýmaǵynda atmosferalyq frontaldy bólimderdiń ótýine baılanysty taıaýdaǵy eki táýlikte turaqsyz aýa raıy saqtalady. 12 naýryz kúni Pavlodar jáne Qaraǵandy oblystarynda qar aralas jańbyr jaýady. 12-13 naýryz kúnderi Jetisý, Abaı, Shyǵys Qazaqstan, Túrkistan, Jambyl sondaı-aq Almaty oblystarynda da qar aralas jańbyr jaýady dep boljanyp otyr.   

Respýblıka boıynsha jel kúsheıip, tuman shógedi, kóktaıǵaq bolady degen boljam bar. 

Elimizdiń keıbir óńirlerinde túnde aýa temperatýrasy -10-20 gradýs aıaz kórsetse, kúndiz -2-10 aıaz bolýy múmkin. Qazaqstannyń ońtústik aımaǵynda túnde termometr baǵany -2-12 gradýsqa tómendese, kúndiz 6 gradýs aıaz bolady dep boljanǵan.