Aldaǵy kúnderi aptap ystyq bolady

ASTANA. KAZINFORM – Qazgıdromettiń habarlaýynsha, 1–4 shilde aralyǵynda elimizdiń kóptegen óńirinde aptap ystyq bolady. Birqatar aımaqta órt qaýipi joǵary deńgeıde saqtalady. 

Ulytaý oblysynda kúndiz 35–38°S qatty ystyq bolady. Oblystyń batysynda, ońtústiginde jáne shyǵysynda tótenshe órt qaýiptiligi saqtalady. Jezqazǵanda kúndiz 35 gradýs ystyq bolady.

Jambyl oblysynyń taýly aýdandarynda naızaǵaı bolady. Soltústik-shyǵystan soqqan jeldiń ekpini 15–20 m/s. Kúndiz aýa temperatýrasy 38°S-qa deıin kóterilip, oblys aýmaǵynda tótenshe órt qaýipi saqtalady. Tarazda da qaýip óte joǵary bolady.

Qostanaı oblysynyń batysy men soltústiginde naızaǵaı bolady. Ońtústiginde 35°S ystyq bolady. Jańbyrsyz aýa raıy órt qaýpin kúsheıtedi.

Qaraǵandy oblysynyń shyǵysynda naızaǵaı bolyp, al batysy, shyǵysy jáne ońtústiginde tótenshe órt qaýiptiligi saqtalady.

Soltústik Qazaqstan oblysynyń batysynda naızaǵaı bolady. Túnde jáne tańerteń tuman bolady. Petropavldy tuman basady. Ońtústikte órt qaýpi joǵary bolady.

Almaty oblysynda soltústik-shyǵys jel soǵady, keı jerlerde ekpini 15–20 m/s. Kúndiz 35–36°S ystyq bolady. Óńirdiń soltústigi, batysy jáne ortalyǵy — tótenshe, al ońtústigi men shyǵysy — joǵary órt qaýiptiligi saqtalady. Qonaevta 35°S qatty ystyq bolady.

Aqtóbe oblysynyń birneshe aýdanynda naızaǵaı men burshaq jaýady. Kúndiz jeldiń ekpini 15–20 m/s. Ońtústikte 35°S aptap kútiledi. Órt qaýpi óte joǵary bolady.

Jetisý oblysynda 2–4 shilde kúnderi 35–39°S aptap kútiledi. Taldykorǵanda da osyndaı aýa raıy bolady.

Qyzylorda oblysynda kúndiz 40–41°S aptap bolady. Órt qaýpi tótenshe deńgeıde saqtalady.

Abaı oblysynda túnde naızaǵaı, kúndiz burshaq jaýyp, jel turady. Jel ekpini 23 m/s-qa deıin jetýi múmkin. Órt qaýpi shyǵysynda — joǵary, ońtústiginde — óte joǵary deńgeıde.

Shyǵys Qazaqstan oblysynda naızaǵaı, burshaq jaýyp, ekpindi jel soǵady. Jel baǵyty ózgeredi, ekpini 23 m/s. Órt qaýpi joǵary. Óskemende de kún kúrkirep, burshaq jaýýy múmkin.

Atyraý oblysynyń ońtústiginde naızaǵaı bolady. Jel ekpini 15–20 m/s deıin jetedi. Batys pen ońtústiginde órt qaýpi joǵary bolady.

Túrkistan oblysynyń batysy men shóldi aımaqtarynda 40–42°S aptap bolady. Oblys boıynsha órt qaýpi tótenshe deńgeıde saqtalady. 

Pavlodar oblysynda naızaǵaı bolady. Jel ekpini 15–20 m/s jetedi. Batysynda órt qaýpi joǵary bolady.

Mańǵystaý oblysynyń soltústigi men batysynda naızaǵaı bolady. Kúndiz ońtústiginde 38°S ystyq bolady. Oblystyń kóp bóliginde órt qaýpi joǵary bolady. 

Batys Qazaqstan oblysynyń birneshe aýdanynda naızaǵaı oınap, burshaq jaýyp, jel kúsheıedi. Oralda da naızaǵaı oınap, burshaq jaýady dep boljanyp otyr.